यथा गंगाऽवगाहेन शरीरं पावनं भवेत् 4.1.4.
अनुयाति न भर्तारं यदि दैवात्कथंचन
तद्वैगुण्यादपिस्वर्गात्पतिः पतति नान्यथा
पत्यौ मृते च यायोषिद्वैधव्यं पालयेत्क्वचित्
विधवा कबरीबंधो भर्तृबंधाय जायते
एकाहारः सदा कार्यो न द्वितीयं कदाचन
मासोपवासं वा कुर्याच्चांद्रायणमथापि वा
यवान्नैर्वा फलाहारैः शाकाहारैः पयोव्रतैः
पर्यंकशायिनी नारी वि धवा पातयेत्पतिम्
न चांगोद्वर्तनं कार्यं स्त्रिया विधवया क्वचित्
तर्पणं प्रत्यहं कार्यं भर्तुः कुशतिलोदकैः 4.1.4.
विष्णोस्तु पूजनं कार्यं पति बुद्ध्या न चान्यथा
यद्यदिष्टतमं लोके यच्च पत्युः समीहितम्
वैशाखे कार्तिके माघे विशेषनियमांश्चरेत्
वैशाखे जलकुंभांश्च कार्तिके घृतदीपकाः
प्रपा कार्या च वैशाखे देवे देया गलंतिका
सकर्पूरं च तांबूलं पुष्पदानं तथैव च
पानानि च विचित्राणि द्राक्षा रंभा फलानि च
ऊर्जे यवान्नमश्नीयादेकान्नमथवा पुनः
कार्तिके वर्जयेत्तैलं कार्तिके वर्जये न्मधु
कार्तिके मौननियमे घंटां चारु प्रदापयेत 4.1.4.
भूमिशय्याव्रते देया शय्या श्लक्ष्णा सतूलिका
धान्यत्यागे च तद्धान्यमथवा शालयः स्मृताः
एकतः सर्वदानानि दीपदानं तथैकतः
किंचिदभ्युदिते सूर्ये माघस्नानं समाचरेत्
पक्वान्नैर्भो जयेद्विप्रान्यतिनोपि तपस्विनः
घृतपक्वैः समीरचैः शुचिकर्पूरवासितैः
शुष्केंधनानां भारांश्च दद्याच्छीतापनुत्तये
मंजिष्ठा रक्तवासांसि तथा तूलवतीं पटीम्
कंबलानि विचित्राणि निर्वातानि गृहाणि च