इह वंशं परिस्थाप्य भुक्त्वा सर्व सुखानि च
सर्वलोकहितार्थाय तदाख्याहि महामुने
धिषणाधिपतेरास्यं विबुधा व्यालुलोकिरे
वाक्पतिरुवाच धन्योसि कृतकृत्योसि मान्योसि महता मपि
प्रत्याश्रमं प्रतिनगं प्रत्यरण्यं तपोधनाः
तपोलक्ष्मीस्त्वयीहास्ति ब्राह्मतेजस्त्वयि स्थिरम्
पतिव्रतेयं कल्याणी लोपामुद्रा सधर्मिणी
पतिव्रतास्वरुंधत्या सावित्र्याप्यनसूयया
मेनया च सुनीत्या च संज्ञया स्वाहया तथा
भुंक्ते भुक्ते त्वयि मुने तिष्ठति त्वयि तिष्ठति
अनलंकृतमात्मानं तव नो दर्शयेत्क्वचित् 4.1.4.
न च ते नाम गृह्णीयात्तवायुष्यविवृद्धये
आक्रुष्टापि न चाक्रोशेत्ताडितापि प्रसीदति
आहूता गृहकार्याणि त्यक्त्वा गच्छति सत्वरम्
न चिरं तिष्ठति द्वारि न द्वारमुपसेवते
पूजोपकरणं सर्वमनुक्ता साधयेत्स्वयम्
प्रतीक्षमाणावसरं यथाकालोचितं हि यत्
सेवते भर्त्तुरुच्छिष्टमिष्टमन्नं फलादिकम्
अविभज्य न चाश्नीयाद्देवपित्रतिथिष्वपि
संयतोपस्करादक्षा हृष्टा व्यय पराङ्मुखी
दूरतो वर्जयेदेषा समाजोत्सवदर्शनम् 4.1.4.
सुखसुप्तं सुखासीनं रममाणं यदृच्छया
स्त्रीधर्मिणी त्रिरात्रं तु स्वमुखं नैव दर्श येत्
सुस्नाता भर्तृवदनमीहतेन्यस्य न क्वचित्
हरिद्रां कुंकुमं चैव सिंदूर कज्जलं तथा
केशसंस्कारकबरी करकर्णादिभूषणम्
न रजक्या न हैतुक्या तथा श्रमणया न च
भर्तृविद्वेषिणीं नारीं नैषा संभाषते क्वचित्
नोलूखले न मुसले न वर्द्धन्यां दृषद्यपि
विना व्यवायसमयं प्रागल्भ्यं न क्वचिच्चरेत्