साश्चर्यं चैव प्रोत्साहमालस्यादिविवर्जितम्
नीराजनसमायुक्तमनिर्विण्णेन चेतसा
एतैर्गुणैः समायुक्तं कुर्याज्जागरणं विभोः
य एवं कुरुते भक्त्या वित्तशाठ्यविवर्जितः
पुरुषसूक्तेन यो नित्यं कार्तिकेऽथार्चयेद्धरिम्
यथोक्तेन विधानेन पंचरात्रोदितेन वै
नमो नारायणायेति कार्तिके योर्चयेद्धरिम्
हरेर्नामसहस्रं च गजराजस्य मोक्षणम् 2.4.33.
युगकोटिसहस्राणि मन्वंतरशतानि च
कुले तस्य च ये जाताः शतशोथ सहस्रशः
कार्तिके पश्चिमे यामे स्तवं गानं करोति यः
नैवेद्यदानं हरये कार्तिके दिनसंक्षये
अक्षयं मुनिशार्दूल मालतीकमलार्चनम्
कार्तिके शुक्लपक्षे तु कृत्वा ह्येकादशीं नरः
अत्रैव तु प्रकर्तव्यः प्रबोधस्तु हरेः खग
एकादश्यां ततो विष्णुश्चातुर्मास्ये प्रसुप्तवान्
अतः प्रबोधनं कार्यमेकादश्यां तु वैष्णवैः उत्तिष्ठ कमलाकांत त्रैलोक्यं मंगलं कुरु
इत्युक्त्वा शंखभेर्यादि प्रातःकाले तु वादयेत् 2.4.33.
उत्थापयित्वा देवेशं पूजां तस्य विधाय च
सर्वदैकादशी पुण्या विशेषात्कार्तिकी स्मृता
अन्नमाश्रित्य तिष्ठंति संप्राप्ते हरिवासरे
तस्मात्सर्वप्रयत्नेन कुर्यादेकादशीव्रतम्
नरके नियतं वासः पितृभिः सह तस्य वै
दशमीवेधसंयुक्ता त्याज्या चैकादशी व्रते
तस्याः पुत्रशतं नष्टं तस्मात्तां वधजां त्यजेत्
रुक्मांगदोऽपि राजर्षिर्मोहिन्याः संगमेन च
इति प्रबोधोत्सवः अथ द्वादशीमाहात्म्यम् द्वादशी पुण्यदा प्रोक्ता सर्वाऽघौघविनाशिनी
किमिष्टैश्चैव पुत्रैश्च द्वादशी येन सेविता 2.4.33.
यत्फलं तदवाप्नोति द्वादश्यामेकभोजनात्
सिक्थेसिक्थे च वैकस्य कतिब्राह्मणभोजनम्