त्वं यज्ञस्त्वं वषट्कारो होताऽध्वर्युस्त्वमेव च
देवानां भागधेयानि वहत्यग्निरयं भयात्
अनुस्मरन्पूर्ववैरं नैव दास्यत्यशासितः
ये च यज्ञे समानीता देवा दक्षस्य शंकर
एवमुक्ते त्वया देवि मयाप्युक्तं वरानने
वह्निश्चादेशकारी च देवाः क्रीडनकाः प्रिये
ललाटे भ्रुकुटीं कृत्वा प्रोच्छ्वसंत्या पुनःपुनः
तस्मिन्संमर्द्यमाने तु नासाग्रे पर्वतात्मजे
बद्धगोधांगुलित्रा च कवचाबद्धमेखला
सहस्रास्या शतभुजा सहस्रचरणोदरी ५.२.८२.
कृतं नाम त्वया देवि तां दृष्ट्वा च तमोमयीम्
मया सृष्टस्तु पुरुषस्तादृशो लोमहर्षणः आज्ञापय सुरेशान किं करोमि जगत्प्रभो
ततो देवि मयाज्ञप्तो भावं ज्ञात्वा त्वदीयकम्
वीरभद्र ममादेशाद्भद्रकाल्या सहानया
विध्वंसय गणाध्यक्ष सयज्ञं सपरिग्रहम्
त्वयापि भद्रकाल्यास्तु दत्तं सैन्यं भयावहम्
ततस्तौ तेन सैन्येन महतातिसमावृतौ
देवैः परिवृतो देवि सदस्यैर्ब्राह्मणैः सह विश्रब्धा मंत्रपूतं तु पिबंतः सोममध्वरे
त्रिनेत्रेण त्रिशूलेन त्रिदशाधिप ईश्वरः
यमाख्येन गणेनैव यमकल्पप्रभेण च ५.२.८२.
पाशेन वरुणो बद्धः पाशेन गणपेन तु
ताडितोऽनिल एवाथ उत्तरे नरवाहनः वीरभद्रनियुक्तास्ते चक्रुर्युद्धं सुदारुणम्
अथ युद्धं चकारो च्चैर्भद्रकाली भयावहा
प्रज्वालज्वलनाकारा शुष्कमांसातिभैरवा
कपालकर्त्रिकाहस्ता जघ्नुर्देवगणास्तदा दृष्ट्वाभ्युपगता देवास्तुषिता युद्धलालसा
केचिच्च चिक्षिपुः शक्तीः केचित्प्रासांस्तथापरे
अर्द्दितो मातृसंघस्तु पीडिताः प्रमथा यदा
खड्गादिभिः षडर्कांशुः पीडयामास संयुगे
करान्दिनकरस्यैव चरणौ भास्करस्य च
वमन्तो रुधिरं तेऽपि नष्टा जर्जर मस्तकाः ५.२.८२.