एष ते कथितो देवि प्रभावः पापनाशनः
इति श्रीस्कांदे महापुराण एकाशीतिसाहस्र्यां संहितायां पञ्चम आवन्त्यखण्डे चतुरशीतिलिङ्गमाहात्म्येऽरुणेश्वरमाहात्म्यवर्णनंनाम षट्सप्ततितमोऽध्यायः
यस्य दर्शनमात्रेण गर्भवासो न जायते
शिनिर्नाम द्विजो देवि स चापुत्रोऽभवत्पुरा
वायुभक्षोंऽबुभक्षश्च निराहारोर्ध्वबाहुकः
एवमादीनि चान्यानि तपांसि श्रेयसे परम्
परं विघ्नोपशांत्यर्थं तोषयिष्येऽहमी श्वरम् आभ्यां न स दुरासाद्यो नापराधो भविष्यति
तथा चकार स मुनिर्वर्षाणां द्वादशैव हि
विज्ञप्तोहं त्वया देवि मंदरे चारुकंदरे
तेजसा दीपयच्छैलं शोषयन्सलिलाशयान्
व्यालेंद्रा व्याकुलीभूता लुलिताश्चाचलेश्वराः
अयोनिजः शिनिर्विप्रः पुत्रमिच्छत्ययोनिजम् 5.2.77.
त्वं तपस्त्वं परं धाम शिखिचंद्रार्कलोचन
सुरासुरगुरो किं न पुत्रमस्मै प्रयच्छसि
शिनेः पुत्रप्रदानं त्वं कुरु मद्वचनाच्छिव
तेजांसि ज्योतिषामेव महतां च विधिस्थितः
त्वद्भक्तस्य च देवेश व्यर्थः कस्मात्परिश्रमः
त्वत्परस्य न देवश युक्ता दुःखविभीषिका
विप्रार्थमनुकंपार्थं पुत्रार्थं च विशेषतः
रुद्राश्च हरभक्ताश्च कूष्मांडा गगनेचराः
अन्ये च विविधाकाराः कालास्या हरिपिंगलाः
नीलग्रीवा कृष्णमुखाः पिंगधौतजटासटाः 5.2.77.
घंटाकर्णो विशाखश्च परिशेषा गणाश्च ये
शूलचंद्रधराः सर्वे सर्वे तुल्यपराक्रमाः
स्तुवंतो विविधैः स्तोत्रैरूचुरेवं समाहिताः
गणानां वचनं श्रुत्वा ज्ञात्वा भक्तिं च तादृशीम्
पुत्रार्थं तप्यति तपः शिनिर्ब्राह्मणसत्तमः
तस्याहं संप्रदास्यामि सर्वान्कामा न्यथेप्सितान्
मद्वाक्यं क्रियतां सद्यो विप्रः क्लेशाद्विमुच्यताम्
मदीयं वचनं श्रुत्वा सर्वे कंपितकंधराः