एह्येहि नृपशार्दूल दिष्ट्या प्राप्तोऽसि मेंऽतिके
तद्धुंकारात्तु पातालं भित्त्वा पंच च कन्यकाः
भृंगारं तु गृहीत्वान्या निःसृता जलसंभृतम्
अन्ये द्वे व्यजने गृह्य पार्श्वाभ्यां च व्यवस्थिते
तेन हुंकारशब्देन देवलोकात्समागतम्
अनंतरं ददर्शाथ लिंगं ज्योतिष्करं परम्
तद्दृष्ट्वा विस्मयाविष्टो बभूव नृपसत्तमः 5.2.54.
एवं पृष्टो नृपेणाथ स विप्रो वाक्यमब्रवीत्
अतस्ते दर्शिता माया तपसा दुष्करेण तु
हुंकारेण कृता पृथ्वी जलपूर्णा तु तत्क्षणात्
हुंकारात्पृथिवी सर्वा जाता वह्निमयी तदा
हुंकारेण कृतं सर्वं तत्क्षणादेव पार्वति
ततो बभ्राम तन्नास्ति स नृपो विस्मयान्वितः
एवं चिंतयतस्तस्य ततः शब्दो महानभूत्
सुहर्म्यकक्ष्यारचितं विशालं विशुद्धजांबूनदभूषितं च
भूयोभवन्महाशब्दस्तस्मात्स्त्रीयुगलं वभौ
पुनः शब्दो बभूवाथ तस्मात्पुरुषसत्तमः 5.2.54.
पुनः शब्दाच्च संजज्ञे पुरुषः सप्तधा गतः प्रोक्तमित्थं विशालाक्षि जातकंटकितं नृपम्
पश्य लोकमिमं मह्यं तपसा निर्मितं नृप
एवमुक्तस्तदा तेन तापसेन नराधिपः
भगवन्सितकृष्णे द्वे के स्त्रियौ द्विजस त्तम
कश्चासौ पुरुषो ब्रह्मन्य एकः सप्तधाऽभवत्
एते स्त्रियौ त्वया दृष्टे सितकृष्णे नृपोत्तम
शीर्षद्वयं च यद्दृष्टं तेऽयने द्वे प्रकीर्तिते पादा द्वादश ये दृष्टा मासा द्वादश ते स्मृताः
यः पुमान्सप्तधा जात एकीभूतो नरेश्वर
एतत्संवत्सरं चक्रं त्वत्प्रियार्थं निदर्शितम्
सर्वो विनश्वरो लोकः सदेवासुरमानुषः 5.2.54.
कुरु शत्रुविनाशाय लिंग स्यास्य च दर्शनम्
एवमुक्तस्तदा राजा दृष्टवाँल्लिंगमुत्तमम् विद्वेषिणो मृतास्तेऽपि श्रुतास्तेन महीभृता
गतस्तं विषयं राजा चक्रवर्ती बभूव ह