उपविष्टाः कथाश्चक्रुर्नानातीर्थाश्रितास्तदा
कथांतेषु ततस्तेषां मुनीनां भावितात्मनाम्
व्यासशिष्यः पुराणज्ञो समः हर्षणसंज्ञकः उपविष्टो यथान्यायं मुनीनां वचनेन सः
व्यासशिष्यं मुनिवरं सूतं वै रोमहर्षणम्
सरहस्यानि सर्वाणि पुराणानि महामते
सांप्रतं श्रोतुमिच्छामः सरहस्यं सनातनम्
कीदृशी सा सदा मेध्याऽयोध्या विष्णुप्रियापुरी
संस्थानं कीदृशं तस्यास्तस्यां के च महीभुजः
अयोध्यासेवनान्नृणां फलं स्यात्सूत कीदृशम्
तत्र स्नानेन किं पुण्यं दानेन च महामते 2.8.1.
एतत्सर्वं क्रमेणैव तथ्यं त्वं वेत्थ सांप्रतम्
सेतिहासानि सर्वाणि सरहस्यानि तत्त्वतः
तं प्रणम्य प्रवक्ष्यामि माहात्म्यं भवदग्रतः
विद्यावन्तं विपुलमतिदं वेदवेदांगवेद्यं श्रेष्ठं शान्तं शमितविषयं शुद्धतेजोविशालम्
ॐ नमो भगवते तस्मै व्यासायामिततेजसे
शृण्वन्तु मुनयः सर्वे सावधानाः सशिष्यकाः
उदीरितमगस्त्याय स्कन्देनाश्रावि नारदात्
कृष्णद्वैपायनाच्चैतन्मया प्राप्तं तपोधनाः
नमामि परमात्मानं रामं राजीवलोचनम्
अयोध्या सा परा मेध्या पुरी दुष्कृतिदुर्ल्लभा 2.8.1.
सरयूतीरमासाद्य दिव्या परमशोभना
हस्त्यश्वरथपत्त्याढ्या संपदुच्चा च संस्थिता
सानूपवेषैः सर्वत्र सुविभक्तचतुष्टया
पद्मोत्फुल्लशुभोदाभिर्वापीभिरुपशोभिता
वीणावेणुमृदंगादिशब्दैरुत्कृष्टतां गता। शालैस्तालैर्नालिकेरैः पनसामलकैस्तथा
तथैवाम्रकपित्थाद्यैरशोकैरुपशोभिता
मालतीजातिबकुलपाटलीनागचंपकैः
निम्बजंवीरकदलीमातुलिंगमहाफलैः
देवतुल्यप्रभायुक्तैर्नृपपुत्रैश्च संयुता
श्रेष्ठैः सत्कविभिर्युक्ता बृहस्पतिसमैर्द्विजैः 2.8.1.