आपूर्णशारदगताङ्क शशाङ्कबिम्बकान्ताननं कमलपत्रविशालनेत्रम् । रत्नस्फुरन्मकरकुण्डलरश्मिदीप्तगण्डस्थलीमुकुरमुन्नतचारुनासम्
His face shone with the beauty of the full autumn moon, radiant as the moon's disc, with eyes wide as lotus petals, cheeks glowing with the light of gem-studded makara earrings, and a high, lovely nose reflected in the mirror of his shining face.
सिन्दूरसुन्दरतराधरमिन्दुकुन्दमन्दारमन्दहसितद्युतिदीपिताशम् । वन्यप्रवालकुसुमप्रचयावकॢप्तग्रैवेयकोज्ज्वलमनोहरकम्बुकण्ठम्
His lips were more beautiful than vermilion, his smile gentle as the moon, jasmine, and mandara flowers, lighting up his face; his neck, adorned with a garland of wild coral flowers, gleamed with a captivating brilliance.
मत्तभ्रमद्भ्रमरघुष्टविलम्बमानं संतानकप्रसरदामपरिष्कृतांसम् । हारावलीभगणराजितपीवरोरुव्योमस्थलीलसितकौस्तुभभानुमन्तम्
Bees, intoxicated and humming, hovered around him; his shoulders were adorned with garlands of heavenly flowers, and his broad chest was decorated with rows of necklaces, shining with the Kaustubha gem like the sun in the sky.
श्रीवत्सलक्षणसुलक्षितमुन्नतांसमाजानुपीनपरिवृत्तसुजातबाहुम् । आबन्धुरोदरमुदारगभीरनाभिं भृङ्गाङ्गनानि करमंजुलरोमराजिम्
Marked with the auspicious Śrīvatsa, his shoulders were high and well-formed, his arms long, round, and strong, his waist slender, his navel deep and noble, and his chest adorned with rows of fine, dark hair like lines drawn by bees.
नानामणिप्रघटिताङ्गदकङ्कणोर्मि ग्रैवेयसारसननूपुरतुन्दबन्धम् । दिव्याङ्गरागपरिपिञ्जरिताङ्गयष्टिमापीतवस्त्रपरिवीतनितम्बबिम्बम्
He wore armlets and bracelets set with various gems, a shining necklace, a girdle, anklets, and a waistband; his divine body was tinged with celestial perfumes, and his hips were wrapped in yellow garments.
चारूरुजानुमनुवृत्तमनोज्ञजङ्घं कान्तोन्नतप्रपदनिन्दित कूर्मकान्तिम् । माणिक्यदर्पणलसन्नखराजराजद्रक्ताङ्गुलिच्छदनुसुन्दरपादपद्मम्
His thighs, knees, and shapely calves were graceful, his feet beautiful and radiant, outshining the tortoise in splendor, with nails like rubies, and his lotus feet were covered by reddish, jewel-like toes.
मत्स्याङ्कुशारिदरकेतुयवाब्जवज्रैः संलक्षितारुणकराङ्घ्रितलाभिरामम् । लावण्यसारसमुदायविनिर्मिताङ्गं सौन्दर्यनिन्दितमनोभव देहकान्तिम्
His hands and feet were marked with the signs of fish, goad, arrow, banner, barley, and thunderbolt, and their reddish soles delighted the eye; his form was fashioned from the essence of beauty, surpassing even the god of love in charm.
आस्यारविन्दपरिपूरितवेणुरन्ध्रलोलत्कराङ्गुलिसमीरितदिव्यरागैः । शश्वद्भवैः कृतनिविष्टसमस्तजन्तुसंतानसंनतिमनन्तसुखाम्बुराशिम्
With his lotus-like mouth pressed to the flute, his fingers danced over its holes, producing divine melodies; by this music, he brought joy to all living beings, becoming an endless ocean of bliss.
गोभिर्मुखाम्बुजविलीनविलोचनाभिरूधोभरस्खलितमन्थरमन्दगाभिः । दन्ताग्रदष्टपरिशिष्टतृणाङ्कुराभिरालम्बिवालधिलताभिरथाभिवीतम्
He was surrounded by cows whose eyes were fixed on his lotus face, moving slowly under the weight of their full udders, nibbling the tips of grass with their teeth, and their tails gently brushing the ground.
संप्रस्नुतस्तनविभूषणपूर्णनिश्चलास्याद्दृढक्षरितफेनिलदुग्धमुग्धैः । वेणुप्रवर्तितमनोहरमन्दगीतदत्तोच्चकर्णयुगलैरपितर्णकैश्च
Their udders, adorned with ornaments, overflowed with still, foamy milk, firmly streaming from their mouths; their ears perked up to the enchanting, gentle music of his flute, and their calves eagerly drank.
प्रत्यग्रशृङ्गमृदुमस्तकसंप्रहारसंरम्भभावनविलोलखुराग्रपातैः । आमेदुरैर्बहुलसास्नगलैरुदग्रपुच्छैश्च वत्सतरवत्सतरीनिकायैः
The calves, with fresh horns and soft heads, playfully butted each other, their hooves lightly striking the ground; their thick, dangling dewlaps and raised tails showed their excitement as they gathered together.
हम्भारवक्षुभितदिग्वलयैर्महद्भिरध्युक्षभिः पृथुककुद्भरभारखिन्नैः । उत्तम्भितश्रुतिपुटीपरिपीतवंशध्वानामृतोद्धतविकासिविशालघोणैः
The great bulls, their bellowing resounding through the quarters, moved slowly, burdened by their massive humps; their wide nostrils flared as they drank in the nectar of the flute's sound, their ears standing tall.
गोपैः समानगुणशीलवयोविलासवेशैश्च मूर्छितकलस्वनवेणुवीणैः । मन्दोच्चतारपटुगानपरैर्विलोलदोर्वल्लरीललितलास्यविधानदक्षैः
He was surrounded by cowherds, equal in virtue, character, age, and appearance, playing sweet, melodious tunes on their flutes and vīṇās, singing in gentle and high tones, skilled in graceful dance with their waving arms.
जङ्घान्तपीवरकटीरतटीनिबद्धव्यालोलकिङ्किणिघटारणितैरटद्भिः । मुग्धैस्तरक्षुनखकल्पितकान्तभूषैरव्यक्तमंजुवचनैः पृथुकैः परीतम्
Around him were young boys, their thick waists girded with jingling bells that rang as they moved, adorned with charming ornaments made from tiger claws, speaking indistinct, sweet words.
अथ सुललितगोपसुन्दरीणां पृथुकबरीषनितम्बमन्थराणाम् । गुरुकुचभरभंगुरावलग्नत्रिवलिविजृम्भितरोमराजिभाजाम्
Then, among the graceful cowherd maidens, with thick hair and swaying hips, whose heavy breasts pressed against their slender waists, and whose bodies were adorned with lines of fine hair,
तदतिरुचिरचारुवेणुवाद्यामृतरसपल्लविताङ्गजाङ्घ्रिपस्य । मुकुलविमलरम्यरूढरोमोद्गमसमलंकृतगात्रवल्लरीणाम्
As the exceedingly beautiful and charming music of the flute, filled with nectar, blossomed forth, the bodies of the maidens, adorned with fresh, pure, and lovely goosebumps, were transformed.
तदतिरुचिर मन्दहासचन्द्रातपपरिजृम्भितरागवारिराशेः । तरलतरतरङ्गभङ्गविप्रुट्प्रकरघनश्रमबिन्दुसंततानाम्
From the exceedingly lovely, gentle smile, like moonlight, of the one whose heart overflowed with love, waves of trembling sweat drops, dense as the spray of restless waves, appeared on their bodies.
तदतिललितमन्दचिल्लिचापच्युतनिशितेक्षणमारबाणवृष्ट्या । दलितसकलमर्मविह्वलाङ्गप्रविसृतदुःसहवेपथुव्यथानाम्
From the delicate, playful glances shot like arrows from their sidelong eyes, their entire bodies trembled, their limbs overwhelmed, and they were seized by an unbearable, spreading shiver.
तदतिरुचिरवेषरूपशोभामृतरसपानविधानलालसानाम् । प्रणयसलिलपूरवाहिनीनामलसविलोलविलोचनाम्बुजानाम्
Of those whose exceedingly charming forms and attire shine, who long to partake of the nectar of delight, whose eyes—like lotuses—move lazily and languidly, flowing with the waters of affection,
विस्रंसत्कबरीकलापविगलत्फुल्लत्प्रसूनास्रवन् । माध्वीलम्पटचञ्चरीकघटयासंसेवितानां मुहुः । मारोन्मादमदस्खलन्मृदुगिरामालोलकाञ्च्युल्लस-। न्नीवीविश्लथमानचीनसिचयान्तार्चिर्नितम्बत्विषाम्
Whose loosened hair, adorned with falling, blossoming flowers, is repeatedly attended by bees greedy for honey; whose gentle speech, faltering with the intoxication of love, whose girdles and loosened garments shimmer, and whose hips radiate with the glow of loosened sashes and ornaments.
स्खलितलसितपादाम्भोजमन्दाभिघातच्छुरितमणितुलाकोट्याकुलाशामुखानाम् । चलदधरदलानांकुड्मलापक्ष्मलाक्षि- द्वयसरसिरुहाणामुल्लसत्कुण्डलानाम्
Whose lotus-like feet stumble and softly strike jeweled thresholds, whose faces are flushed with excitement, whose lips tremble, whose eyes—like closed lotus buds—flutter, and whose shining earrings sway.
द्राघिष्ठश्वसनसमीरणाभितापप्रम्लानीभवदरुणौष्ठपल्लवानाम् । नानोपायनविलसत्कराम्बुजानामालीभिः सततनिषेवितं समन्तात्
Whose tender, reddish lips have withered from the heat of their deep, rapid breaths, whose hands, adorned with various gifts, are always served on all sides by their companions.
तासामायतलोलनीलनयनव्याकोशलीनाम्बुज- स्रग्भिः संपरिपूजिताखिलतनुं नानाविलासास्पदम् । तन्मुग्धाननपङ्कजप्रविगलन्माध्वीरसास्वादिनीं- बिभ्राणं प्रणयान्मदाक्षिमधुहृन्मालां मनोहारिणीम्
He is worshipped on all sides by garlands of blue lotuses, whose petals are spread wide like their large, restless eyes; he is the abode of all delights, bearing a captivating garland of love, honey, and pride, savored by the sweet, nectar-drinking lotus faces of those innocent ones.
गोपीगोपपशूनां बहिः स्मरेदग्रतोऽस्य गीर्वाणघटांवित्तार्थिनीं विरिञ्चित्रिनयनशतमन्युपूर्विकां स्तोत्रपराम्
Outside, let one remember the assembly of gods in front of him—seeking wealth, led by Indra, Brahma, and others—devoted to praise, along with the cows, cowherds, and cattle.
तद्वद्दक्षिणतो मुनिनिकरं दृढधर्मवाञ्छया समाम्नायपरम् । योगीन्द्रानथ पृष्ठे मुमुक्षमाणान्समाधिना तु सनकाद्यान्
To the right, the group of sages, intent on firm righteousness and supreme tradition; and behind, the great yogis like Sanaka and others, desiring liberation, absorbed in samadhi.
सव्ये सकान्तानथ यक्षसिद्धगन्धर्वविद्याधरचारणांश्च । सकिन्नरानप्सरसश्च मुख्याः कामार्थिनीर्नर्तनगीतवाद्यैः
To the left, with their beloveds, are Yakshas, Siddhas, Gandharvas, Vidyadharas, Charanas, Kinnaras, and the chief Apsaras—desiring pleasure, engaged in dance, song, and music.
शङ्खेन्दुकुन्दधवलं सकलागमज्ञं सौदामिनीततिपिशङ्गजटाकलापम् । तत्पादपङ्कजगताममलां च भक्तिं वाञ्छन्तमुज्झिततरान्यसमस्तसङ्गम्
One should contemplate him, white as a conch, the moon, or jasmine, knowing all the scriptures, with matted locks streaked like lightning, and those who desire pure devotion to his lotus feet, having abandoned all other attachments.
नानाविध श्रुतिगुणान्वितसप्तरागग्रामत्रयीगतमनोहरमूर्छनाभिः । संप्रीणयन्तमुदिताभिरपि प्रभक्त्या संचिन्तयन्नभसि मां द्रुहिणप्रसूतम्
Meditating on me—born from Brahma—in the sky, delighting with joyful devotion in the enchanting melodies of the threefold scale, endowed with various qualities of the Vedas and the seven modes.
इति ध्यात्वाऽत्मानं पटुविशदधीर्नन्दतनयं नरो बुद्ध्यैवाऽर्घप्रभृतिभिरनिन्द्योपहृतिभिः । यजेद्भूयो भक्त्या स्ववपुषि बहिष्ठैश्च विभवैरिति प्रोक्तं सर्वं यदभिलषितं भूसुरवराः
Thus, having meditated on the son of Nanda with a clear and pure mind, a person should worship him again with devotion, using flawless offerings such as arghya and others, both with his own body and with external means—thus, O best of Brahmins, everything desired has been explained.
इति श्रीपद्मपुराणे पातालखंडे वैशाखमाहात्म्ये त्र्युत्तरशततमोऽध्यायः
Thus, in the Padma Purana, in the Pātāla section, in the greatness of the month of Vaiśākha, this is the one hundred and third chapter.