मृत्युक्रोधेन गुरुणा बिन्दुभूषितमस्तका
ऋषिर्भृगुर्निवृच्छन्दो देवता श्रीः समीरिता
ततो ध्यायेज्जगद्वेद्यां श्रियं संपत्तिदायिनीम्
हिरण्मयामृतघटैः सिच्यमानां सरोजगाम्
सिद्धलक्षं जपेन्मन्त्रं तत्सहस्रं हुनेत्तथा
महालक्ष्म्युदिते पीठे मूर्तिं मूलेन कल्पयेत्
वासुदेवं संकर्षणं प्रद्युम्नमनिरुद्धकम्
शङ्खचक्रगदापद्मधारिणस्तांश्चतुर्भुजान्
दमकं पुण्डरीकं च गुग्गुलं च कुरण्टकम्
मुक्तामाणिक्यसंकाशौ किञ्चित्स्मितमुखांबुजौ
विगलद्रत्नवर्षाभ्यां शङ्खभ्या मूर्ध्नि लाञ्छितौ
वामतः पङ्कजनिधिं प्रियया सहितं यजेत्
निःसरद्रत्नवर्षाभ्यां पद्माभ्यां मूर्ध्नि लाञ्छितौ
दलाग्रेषु यजेदेताबलाक्याद्याः समन्ततः
विभीषिका मालिका च शाङ्करी वसुमालिका
लोकेशान्पूजयेदन्ते वज्राद्यास्त्राणि तद्बहिः
धनधान्यसमृद्धः स्याच्छ्रियमाप्नोत्यनिन्दिताम्
त्रिलक्षमर्कगं ध्यायन्स भवेत्कमलालयः
साधको यः स लभते वाञ्छितं धनसंचयम्
होमेनखादिरे वह्नौ तण्डुलेर्मधुरोक्षितैः
बिल्वच्छायामधिवसन्बिल्वमिश्रहविष्यभुक्
साधकेन्द्रो महालक्ष्मीं चक्षुषा पश्यति ध्रुवम्
जातौ शुभनिशुंभौ द्वावसुरौ लोककण्टकौ
महासरस्वती देवी तदा चावततार ह
ततः शुम्भादिकान्हत्वा दैवतैः परिपूजिता
तस्या मन्त्रं प्रवक्ष्यामि शृणुष्वावहितो मुनने
वाग्बीजं तेन चाङ्गानि कल्पयेत्साधकोत्तमः
देवता वाक्समाख्याता भजतामिष्टदायिनी
दिव्यैराभरणैर्युक्तां ध्यायेद्देवीं निरन्तराम्
देवीं संपूजयेत्तस्यामङ्गाद्यावरणैः सह