ग्रहराश्यर्क्षयोगादिमूर्तावयवसंज्ञिकाम्
मायाकल्पितवैचित्र्यसंध्याख्यच्छदनावृताम्
कोटिसूर्यप्रतीकाशां शशिकोटिसुशीतलाम्
वागतीतां मनो ऽगर्म्या वरदां वेदमातरम्
ध्यात्वा स्वात्माविभेदेन सावित्रीपञ्जरं न्यसेत्
देवता च परो हंसः परब्रह्मादिदेवता
षडङ्गदेवतामन्त्रैरङ्गन्यासं समाचरेत्
पूर्वोक्तां देवातां ध्यायेत्साकारां गुणसंयुताम्
चतुर्विशतितत्त्वाढ्या पातु प्राचीं दिशं मम
षड्विंशतत्त्वसंयुक्ता पातु मे दक्षिणां दिशम्
पातु प्रतीचीमनिशं मम ब्रह्मशिराएङ्किता
उदीचीं षट्पदा पातु षष्टितत्त्वकलात्मिका
व्योमा संपातु मे वोर्द्ध्वशिरो वेदान्तसंस्थिता
चापेषुचर्मासिधरा पातु मे पावकीं दिशम्
बिभ्रत्कमण्डलुं चाक्षं स्रुवस्रुवौ पातु नैरृतिम्
कपालशूलकाक्षस्रग्धारिणी पातु वायवीम्
शङ्खचक्राभयकरा पातु शैवीं दिशं मम
वराभयखड्गचर्मभुजा पात्वधरां दिशम्
स्वस्वदिक्षुस्थिताः पातुं ग्रहशक्त्यङ्गसंयुताः
व्यापकत्वेन पान्त्वस्मानापादतलमस्तकम्
संध्ययोः प्रत्यहं भक्त्या जपकाले विशेषतः
भूतिदा भुवना वाणी महावसुमती मही
यशस्विनी सती सत्या वेदविच्चिन्मयी शुभा
मोदा देवी वरिष्ठा च धीश्च शान्तिर्मती मही
दया च यामिनी पद्मा रोहिणी रमणी जया
माया प्रज्ञा परा दोग्ध्री मानिनी पोषिणी क्रिया
ब्राह्मी हैमी भुजङ्गी च वशिनी सुंदरी वनी
माया स्वधा रमा तन्वी रिपुघ्नी रक्षणणी सती
अमरा तीर्थदा दीक्षा दुर्धर्षा रोगहारिणी
योगिनी वमला सत्या अबला बलदा जया