ईषद्धास्यप्रसन्नास्यां रत्नभूषणभूषिताम्
सुखदां मुक्तिदां चैव सर्वसंपत्प्रदां शिवाम्
ध्यात्वैवं मण्डले विद्वान् त्रिकोणोज्ज्वलकर्णिके
मूलमन्त्रेण कॢप्तायां मूर्तौं देवीं प्रपूजयेत्
आदित्याद्यास्ततः पूज्या उषादिसहिताः क्रमात्
प्रह्लादिनीं प्रभां पश्चान्नित्यां विश्वंभरां पुनः
कान्तिं दुर्गासरस्वत्यौ विद्यारूपां ततः परम्
तमोपहारिणीं सूक्ष्मां विश्वयोनिं जयावहाम्
ब्राह्म्याद्याः शारणा बाह्ये पूजयेत्प्रोक्तलक्षणाः
इत्थमावरणैर्देवीः दशभिः परिपूजयेत्
सर्वपापुविनिर्मुक्तो दीर्घमायुः स विन्दति
महालक्ष्मीर्भवेत्तस्य षण्मासान्नात्र संशयः
बहुना किमिहोक्तेन यथावत्साधिता सती
अथ ते संप्रवक्ष्यामि रहस्यं परमाद्भुतम्
व्योमकेशार्लकासक्तां सुकिरीटविराजिताम्
गुरुभार्गवकर्णान्तां सोमसूर्याग्निलोचनाम्
संध्याद्विजोष्ठपुटितां लसद्वागुपजिह्विकाम्
पर्जन्यदृदयासक्तां वस्वाख्यप्रतिमण्डलाम्
प्रजापत्याख्यजघनां कटीन्द्राणीसमाश्रिताम्
सुजानुजहुकुशिकां वैश्वदेवाख्यसंज्ञिकाम्
ग्रहराश्यर्क्षयोगादिमूर्तावयवसंज्ञिकाम्
मायाकल्पितवैचित्र्यसंध्याख्यच्छदनावृताम्
कोटिसूर्यप्रतीकाशां शशिकोटिसुशीतलाम्
वागतीतां मनो ऽगर्म्या वरदां वेदमातरम्
ध्यात्वा स्वात्माविभेदेन सावित्रीपञ्जरं न्यसेत्
देवता च परो हंसः परब्रह्मादिदेवता
षडङ्गदेवतामन्त्रैरङ्गन्यासं समाचरेत्
पूर्वोक्तां देवातां ध्यायेत्साकारां गुणसंयुताम्
चतुर्विशतितत्त्वाढ्या पातु प्राचीं दिशं मम
षड्विंशतत्त्वसंयुक्ता पातु मे दक्षिणां दिशम्