सदागोवर्द्धनरतिः सदा गोकुलवल्लभः
नन्दग्रामकृतावासो वृषभानुग्रहप्रियः
वल्लवीजनसंगोप्ता वल्लवीजनवल्लभः
शिलानुगन्धनिलयः पादचारी घनच्छविः
त्रिपुरारिप्रियकरो ह्युग्रधन्वापराजितः
वज्रनाभपुरध्वंसी पैण्ड्रकप्राणहारकः
शिवसंकटहारी च वृकासुरविनाशनः
गोकर्णपूजकः सांबकुष्ठविध्वंसकारणः
यदुवंशविनाशी च उद्धवोद्धारकारकः
वृन्दावनेश्वरी पुण्या कृष्णमानसहारिणी
ललिता मधुरा माध्वी किशोरी कनकप्रभा
जितरंभा जितपिका गोविन्दहृदयोद्भवा
श्रीकृष्णाकर्षणा देवी नित्यं युग्मस्वरूपिणी
आमोदिनी मोदवती नन्दनन्दनभूषिता
कुञ्जप्रिया कुञ्जवासा कुञ्जनायकनायिका
श्रीकृष्णवेणुसंगीता मुरलीहारिणी शिवा
कृष्णरतिः श्रीकृष्णसहचारिणी
भाण्डीरवासिनी शुभ्रा गोपीनाथप्रिया सखी
श्रीकृष्णप्रार्थनीशाना महानन्दप्रदायिनी
कोटिकन्दर्पलावण्या रतिकोटिरतिप्रदा
ब्रह्मरुद्रादिसंराध्या नित्यं कौतूहलान्विता
नित्यवृन्दावनरसा नन्दनन्दनसंयुता
गोरसक्षेपणी शूरा सानन्दानन्ददायिनी
नित्यमाघूर्णिता पूर्णा कस्तूरीतिलकान्विता
कोटिचन्द्रानना गौरी कोटिकोकिलसुस्वरा
अशोकवनसंवासा भाण्डीरवनसङ्गता
अजागम्या भवागम्या गोवर्द्धनकृतालया
शश्वन्मानवती स्निग्धा श्रीकृष्णपरिवन्दिता
देवद्रुमफला सेव्या वृन्दावनरसालया
कोटियोगसुदुष्प्राप्या कोटियज्ञदुराश्रया