रासक्रीडारसास्वादी रसिको राधिकाधवः
सर्वगोपीजनानन्दी गोपीजनविमोहनः
गोपीस्कन्धाश्रितकरो गोपिकाचुंबनप्रियः
गोपिकाकेशसंस्कारी गोपिकापुष्पसंस्तरः
गोपिकामदहारी च गोपिकापरमार्जितः
गोपिकावन्दितपदो गोपिकावशवर्तनः
कुञ्जप्रियः कुञ्जवासी वृन्दावनविकासनः
शशिसंस्तंभनः शूरः कामी कामविमोहनः
कामदः कामरूपश्च कामिनीकामसंचयः
परमात्मा पराधीशः सर्वकारणकारणः (म्)
अक्रूरवन्दितपदो गोपिकातोषकारकः
अक्रूरतापशमनो रजकायुःप्रणाशनः
कंसवस्त्रपरीधानो गोपवस्त्रप्रदायकः
तन्तुवाय कसंप्रीतः कुब्जाचन्दनलेपनः
सर्वज्ञो मथुरालोकी सर्वलोकाभिनन्दनः
सर्वदुःखप्रशमनो धनुभर्ङ्गी महोत्सवः
कल्परूपधरोधीरो दिव्यवस्त्रानुलेपनः
कंसत्रासकरो भीमो मुष्टिकान्तश्च कंसहा
वैकुण्ठवासी कंसारिः सर्वदुष्टनिषूदनः
यादवेन्द्रः सतांनाथो यादवारिप्रमर्द्दनः
उग्रसेनपरित्राता उग्रसेनाभिपूजितः
सर्वसात्वतसाक्षी च यदूनामभिनन्दनः
सर्वगोपालधनदो गोपीगोपाललालसः
गुरुभक्तो ब्रह्मचारी निगमाध्ययने रतः
विद्यानिधिः कलाकोशो मृतपुत्रदस्तथा
यमार्चितः परो देवो नामोच्चारवसो (शो)ऽच्युतः
अक्रूरगृहगोप्ता च प्रतिज्ञापालकः शुभः
मुचुकुन्दप्रियकरोजरासंधपलायितः
लीलाधरः प्रियकरो विश्वकर्मा यशःप्रदः
चैद्यशोकालयः श्रेष्ठो दुष्टराजन्यनाशनः