ब्रह्मवृक्षसमिद्भिश्च जुहुयात्पायसेन वा
तत्रावाह्यार्चयेत्कृष्णं मन्त्री वै स्थिरमानसः
वासुदेवं बलं दिक्षु प्रद्युम्नमनिरुद्धकम्
लोकेशान्सायुधान्बाह्ये एवं सिद्धो भवेन्मनुः
श्रीगोविन्दं ततः प्रोच्य गोपीजनपदं ततः
मुन्यादिकं च पूर्वोक्तं सिद्धगोपालकं स्मरेत्
दिव्यक्रीडासु निरतौ रामकृष्णौ स्मरन् जपेत्
चक्री मुनिस्वरोपेतः सर्गी चैकाक्षरो मनुः
सैव ङेंतो युगार्णः स्यात्कृष्णाय नम इत्यपि
गोपालायाग्निजायान्तो रसवर्णः प्रकीर्तितः
कृष्णगोविन्दकौ ङेंतौ सप्तार्णः सर्वसिद्धिदः
कृष्णगोविन्दकौ ङेंतौ हृदन्तो ऽन्यो नवाक्षरः
कामः शार्ङ्गी धरासंस्थो मन्विन्द्वाढ्यश्च मन्मथः
बालान्ते वपुषे कृष्णायाग्निजायान्तिमो ऽपरः
ततो ध्यायन्स्वहृदये गोपीजनमनोहरम्
कालिन्दीपुलिने विहारिणमथो राधैकजीवातुकं वन्दे नन्दकिशोरमिन्दुवदनं स्निग्धांबुदाडंबरम्
देवकीसुतवर्णान्ते गोविन्दपदमुच्चरेत्
देहि मे तनयं पश्चात्कृष्ण त्वामहमीरयेत्
देवः सुतप्रदः कृष्णः पादैः सर्वेण चाङ्गकम्
प्रददत्तनयान् द्विजन्मने स्मरणीयो वसुदेवनन्दनः
अर्चा पूर्वोदिते पीठे अङ्गलोकेश्वरायुधैः
तारो माया ततः सांतसेंदुष्वान्तश्च सर्ववान्
पञ्चब्रह्मात्मकस्यास्य मन्त्रस्य मुनि सत्तमः
परञ्ज्योतिः परं ब्रह्म देवता परिकीर्तितम्
स्वाहेति हृदयं प्रोक्तं सो ऽहं वेति शिरो मतम्
प्रणवो नेत्रमाख्यातमस्त्रं हरिहरेति च
स सर्वरूपः सर्वाख्यः सो ऽक्षरः परमः स्वराट्
पूजाप्रणवपीठे ऽस्य सांगावरणकैर्मता
जायते तत्त्वमस्यादिवाक्योक्तं निर्विकल्पकम्
ऋषिर्ब्रह्मास्य गायत्री छन्दो गायत्रमीरितम्