गोदुग्धैः पूजयेत्पीठे स्यादङ्गैः प्रथमावृतिः
गुडपिङ्गां बभ्रुवर्णां चोत्तमां कपिलां तथा
गोगणाष्टकमभ्यर्च्य लोकेशानुयुधैर्युतान्
अष्टोत्तरसहस्रं यः पयोभिर्दिनशो हुनेत्
तारो हृद्भगवान् ङेंतः श्रीगोविन्दस्तथा भवेत्
चन्द्राक्षियुगभूतार्णैः सर्वैः पञ्चाङ्गकल्पनम्
ध्यायेत्कल्पद्रुमूलाश्रितमणिविलसद्दिव्यसिंहासनस्थं मेघश्यामं पिशङ्गांशुकमतिसुभगं शङ्खरेत्रे कराभ्याम्
बिभ्राणं गोसहस्रैर्वृतममरपतिं प्रौढहस्तैककुंभप्रश्चोतत्सौधधारास्नपितमभिनवांभोजपत्राभनेत्रम्
यजेच्च पूर्ववद्गोष्ठस्थितं वा प्रतिमादिषु
तत्रावाह्य यजेत्कृष्णं गुरुपूजनपूर्वकम्
पृष्ठतः सुरभिं चेष्ट्वा केसरेष्वङ्गपूजनम्
पीठकोणेषु बद्ध्वादिकिङ्कणीं च तथा पुनः
अग्रतो वनमासादिर्दिक्ष्वष्टसु तथा स्थिताः
नन्दगोपो यशोदा च सगोगोपालगोपिकाः
कुमुदः कुमुदाक्षश्च पुण्डरीको ऽथ वामनः
विष्वक्सेनश्च संपूज्यः स्वात्मा चार्च्यस्ततः परम्
स चिरायुर्निरातङ्को धनधान्यपतिर्भवेत्
नाथाय हृदयान्तो ऽयं वसुवर्णो महामनुः
वर्णद्वन्द्वैश्च सर्वेण पञ्चाङ्गान्यस्य कल्पयेत्
किङ्किणीवलयहारनूपुरै रञ्जितं नमत गोपबालकम्
ब्रह्मवृक्षसमिद्भिश्च जुहुयात्पायसेन वा
तत्रावाह्यार्चयेत्कृष्णं मन्त्री वै स्थिरमानसः
वासुदेवं बलं दिक्षु प्रद्युम्नमनिरुद्धकम्
लोकेशान्सायुधान्बाह्ये एवं सिद्धो भवेन्मनुः
श्रीगोविन्दं ततः प्रोच्य गोपीजनपदं ततः
मुन्यादिकं च पूर्वोक्तं सिद्धगोपालकं स्मरेत्
दिव्यक्रीडासु निरतौ रामकृष्णौ स्मरन् जपेत्
चक्री मुनिस्वरोपेतः सर्गी चैकाक्षरो मनुः
सैव ङेंतो युगार्णः स्यात्कृष्णाय नम इत्यपि
गोपालायाग्निजायान्तो रसवर्णः प्रकीर्तितः