दक्षाङ्गुष्ठाच्च वामाङ्गुष्ठान्तमङ्गुलिपर्वसु
न्यसेद्वामकनिष्ठादिकनिष्टान्तं स्थितौ सुधीः
संहृतिर्देषसंघातहारिणी परिकीर्तिता
स्थित्यन्तः स्याद्गृहस्थानामेवं काम्यादिरूपतः
पुनः स्थितिक्रमेणार्णान्मनोरङ्गुलिषु न्यसेत्
ततो मूलेन पुटितान्मातृकार्णान्सबिन्दुकान्
ततस्तारपुटं मूलं व्यापकत्वेन विन्यसेत्
नमोन्तमूलमन्त्रार्णपदायाम्यानि चात्मने
पृथ्वी जलं तथा वह्निर्वायुराकाशमेव च
प्रविन्यसेन्मस्तके च नेत्रयोः श्रोत्रयोर्नसोः
प्रणवान्तरितान्वर्णान्हृदन्तान्विज्यसेन्मनोः
हृदि नाभौ ध्वजे जान्वोः पादयोर्मस्तके पुनः
पदोर्जान्वोर्लिङ्गदेशे नाभौ हृदि मुखे नसोः
सृष्ट्यन्तो वर्णिनांन्यासः स्थित्यन्तोगृहमेधिनाम्
चतुर्द्धा वर्णिनां चैव गृहस्थानां च पञ्चधा
केचिद्विरक्ते गृहगे संहारान्तं विदुर्बुधाः
मनोर्दशावृत्तिमयं कृष्णसांनिध्यकारकम्
ऊर्वोश्च कन्धरायां च नाभौ कुक्षौ तथा हृदि
नेत्रयोः कर्णयोर्नासापुटयोश्च कपोलयोः
ततः शिरसि तत्पूर्वाद्यांशासु स्वकलासु च
मूलाधारे लिङ्गदेशे जानुनोः पादयोस्तथा
ऊर्वोर्जान्वोर्जङ्घयोश्च पादयोर्विन्यसेत्क्रमात्
अनेन न्यासवर्येण साक्षात्कृष्णतनुर्भवेत्
ततो दशाङ्गपञ्चाङ्गौ न्यासवर्यौं न्यसे क्रमात्
कट्यां पृष्ठे तथा मूर्ध्नि विन्यसेद्वैष्णवोत्तमः
अन्यो ऽप्यष्टादशार्णोक्तः कर्तव्यो न्याससंचयः
वेणुबिल्वादिमुद्रांश्च दर्शयेत्साधकोत्तमः
अनङ्गुष्ठाश्च ऋजवः करशाखा भवन्ति चेत्
प्रसारितकराङ्गुल्योर्वर्ममुद्रेयमीरिता
विष्वग्विमुक्ता कथितास्त्रमुद्रा यत्राक्षिणी तर्जनिमध्यमे च