शिष्टैस्तु सप्तदशभिरक्षरैर्वेष्टयेत्स्वरम्
षट्सु संधिषु षट्कर्णे केसरेषु त्रिशस्त्रिशः
षटूषः संलिख्य तद्बाह्ये वेष्टयेन्मातृकाक्षरैः
भूग्रहं चतुरस्रं स्यादष्टवज्रविभूषितम्
संस्कृतं धारयेद्यो वै सोर्ऽच्यते त्रिदशैरपि
विद्महेधीमहियुतौ तन्नो ऽनङ्गः प्रचोदयात्
हृदयं कामदेवाय ङेंतं सर्वजनप्रियम्
ज्वल ज्वल प्रज्वलेति प्रोच्य सर्वजनस्य च
प्रोक्तो मदनमन्त्रो ऽष्टचत्वारिंशद्भिरक्षरैः
पीठ प्राग्वत्समभ्यर्च्य मूर्ति संकल्प्य मूलतः
आसनादिविभूषान्तं पुनर्न्यासक्रमाद्यजेत्
शङ्खं चक्रं गदां पद्मं मालां श्रीवत्सकौस्तुभौ
षट्कोणेषु षडङ्गानि दिग्दलेषु क्रमाद्यजेत्
पत्राग्रगा महिष्यो ऽष्टौ यजेत्साधकसत्तमः
इन्द्रनीलमुकुन्दांश्च करालानन्दकच्छपान्
तद्बहिर्लोकपालांश्च वज्राद्यानपि पूजयेत्
प्रीणयेद्दधिखण्डाज्यमिश्रेण तु पयोंऽधसा
उद्वासयेत्स्वहृदये परिवारगणैः सह
रत्नाभिषेकध्यानेज्या विंशत्यर्णाश्रिते रिता
जपहोमार्चनध्यानैर्यो मनुं प्रजपेदमुम्
पृथ्वी पृथ्वी करे तस्य सर्वसस्यसमाकुला
वह्नावभ्यर्च्य गोविन्दं शुक्लपुष्पैः सतन्दुलैः
तस्यान्नादिसमृद्धिः स्यात्तदूशे सर्वयोषितः
श्रिया तस्यैन्द्रमैश्वर्यं तृणलेशायते ध्रुवम्
यो हुनेत्प्रत्यहं मासात्पुरोधा नृपतेर्भवेत्
मन्त्रराजमथो वक्ष्ये दशार्णं सर्वसिद्धिदम्
पवनो ऽग्निप्रियान्तो ऽयं दशार्णो मन्त्र ईरितः
कामो बीजं वह्निजाया शक्तिः प्रोक्ता मनीषिभिः
त्रैलोक्यरक्षणं चक्रमसुरान्तकगचक्रकम्
ततस्तारपुटं मन्त्रं व्यापय्य करयोस्त्रिशः