अह्नो मध्ये यजेदेवं यः कृष्णं वैष्णवोत्तमः
मेधायुःश्रीकान्तियुक्तः पुत्रैः पौत्रैश्च वर्द्धते
सायाह्ने निशि वेत्यत्र वदन्त्येके विपश्चितः
उभयीमुभयेनैव कुर्यादित्यपरे जगुः
अष्टसाहस्रसंख्यातैर्भवनैरुपमण्डिते
सरोभिर्नीलांभोभिः परीते भवनोत्तमे
हेमांभोजासनासीनं कृष्णं त्रैलोक्यमोहनम्
तेभ्यो मुनिभ्यः स्वं धाम दिशन्तं परमक्षरम्
स्निग्धं कुन्तलसंभिन्नकिरीटवनमालिनम्
श्रीवत्सवक्षसं भ्राजत्कौस्तुभं सुमनोहरम्
हारकेयूरकटककटिसूत्रैरलङ्कृतम्
शङ्खचक्रगदापद्मराजद्भुजचतुष्टयम्
द्वितीया महिषीभिस्तु तृतीयायां समर्चयेत्
विष्वक्सेनं च शैनेयं दिक्ष्वग्रे विनतासुतम्
एवं संपूज्य विधिवत्पायसं विनिवेदयेत्
जपेदष्टशतं मन्त्री भावयन्पुरुषोत्तमम्
आसनादर्घ्यपर्यन्तं कृत्वा स्तुत्वा नमेत्सुधीः
विन्यस्य तन्मयो भूत्वा पुनरात्मानमर्चयेत्
सर्वान्कामानवाप्यान्ते स याति परमां गतिम्
यजेद्रासपरिश्रान्तं गोपीमण्डलमध्यगम्
रजोभिर्धूसरैर्मन्दमारुतैः शिशिरीकृते
पीयूषांशुकरैर्विशालितहरित्प्रान्ते स्मरोद्दीपने कालिन्दीपुलिनाङ्गणे स्मितमुखं वेणुं रणन्तं मुहुः
मायूरच्छदबद्धमौलिविलसद्धंमिल्लमालं चलं दीप्यत्कुण्डलरत्नरश्मिविलसद्गण्डद्वयोद्बासितम्
अन्योन्यं विनिबद्धगोपदयितादोर्वल्लिवीतं लसद्रासक्रीडनलोलुपं मनसिजाक्रान्तं मुकुन्दं भवेत्
भ्रममाणममूभिरुदारमणिस्फुटमण्डनसिंजितचारुतनुम्
मणिशङ्कुगमप्यमुना वपुषा बहुधा विहितस्वकदिव्यतनुम्
श्रीकामः सस्वराद्यानि कलाब्जैर्वैष्णवोत्तमः
इन्द्राद्यानपि वज्रादीन्पूजयेत्तदनन्तरम्
आक्रम्य पद्भ्यामितरेतरैस्तु हस्तैर्भ्रमो ऽयं खलु रासगोष्ठी
नैवेद्यमर्चयित्वा तु चषकैर्नृपसंख्यकैः