वामे च रुक्मिणीं तदून्नित्यां रक्तां रजोगुणाम्
यजेद्दामसुदामौ च वसुदामं च किङ्किणीम्
अग्निनैरृतिवाय्वीशकोणेषु हृदयादिकान्
रुक्मिणी सत्यभामा च नाग्नजित्यभिधा पुनः
सुशीला च लसद्रम्यचित्रितांबरभूषणा
नन्दगोपं यशोदां च बलभद्रं सुभद्रिकाम्
ज्ञानमुद्राभयकरौ पितरौ पीतपाण्डुरौ
धारयन्त्यौ चरुं चैव पायसीं पूर्णपात्रिकाम्
बलः शङ्खेन्दुधवलो मुशलं लाङ्गलं दधत्
कला या श्यामला भद्रा सुभद्रा भद्रभूषणा
वेणुवीणाहेमयष्टिशङ्खशृङ्गादिपाणयः
मन्दारदींश्च तद्बाह्ये पूजयेत्कल्पपादपान्
कल्पद्रुमस्ततः पश्चाद्ध्वरिचन्दनसंज्ञकः
तदस्त्राणि च संपूज्य यजेत्कृष्णाष्टकेन च
नारायणं यदुश्रेष्ठं वार्ष्णेयं धर्मपालकम्
एभिरावरणैः पूजा कर्तव्यासुखैरिणः
एवं पूजादिभिः सिद्धा भवद्वैश्रवणो यमः
श्रीमदुद्यानसंवीतिहेमभूरत्नमण्डपे
सुत्रामरत्नसंकाशं गुडस्निग्धालकं शिशुम्
स्फुरद्विमलरत्नयुक्कनकसूत्रनद्ध दधत्सुवर्णपरिमण्डितं सुभगपैण्डरीकं नखम्
कटीलस्थले चारुजङ्घान्तयुग्मं पिनद्धं क्वणत्किङ्किणीजालदाम्ना
दधानं करो दक्षिणे पायसान्न सुहैयङ्गवीनं तथा वामहस्ते
महाभारभूतामरारातियूथांस्ततः पूतनादीन्निहॄन्तुं प्रवृत्तम्
दध्ना गुडेन नैवेद्यं दत्वा दशशतं जपेत्
नारदाद्यैर्मुनिगणैः सुरवृन्दैश्च पूजितम्
शिखण्डिच्छदापीडमब्जायताक्षं लसञ्चिल्लिकं पूर्णचद्राननं च
सुकार्तस्वराभांबरं दिव्यभूषं क्वणत्किङ्किणीजालमत्तानुलेपम्
दक्षे तथैवेप्सितदानदक्षं ध्यात्वार्चयेन्नन्दजमिन्दिराप्त्यै
अपूपपायसान्नाद्यैर्नैवैद्यं परिकल्पयेत्
स्वस्वदिक्षु बलिं दद्याद्दिशेदाचमनं ततः