स्वाहा शक्तिर्नियोगस्तु चतुर्वर्गप्रसिद्धये
गुह्ये बीजं पदोः शक्तिं न्यसेत्साधकसत्तमः
पञ्चाङ्गानि प्रविन्यस्य तत्त्वन्यासं समाचरेत्
मत्यन्तानि च तत्वानि जीवाद्यानि न्यसेत्क्रमात्
शब्दं स्पर्शं रूपरसौ गन्धं श्रोत्रं त्वचं तथा
पायुं शिश्नमथाकाशं वायुं वह्निं जलं महीम्
मूर्द्धास्यहृद्गुह्य पादेष्वथ शब्दादिकान्न्यसेत्
तथा वागादीन्द्रियाणि स्वस्वस्थानषु विन्यसेत्
हृत्पुण्डरीकमर्केन्दुह्निबिंबान्यनुक्रमात्
भूताष्टां गाक्षिपदगैर्वर्णैः प्रग्विन्न्यसेद्धृदि
वासुदेवः संकर्षणः प्रद्युम्नश्चानिरुद्धकः
परमेष्ठिपुमाञ्च्छौ चविश्वनिवृत्तिसर्वकाः
स्वबीजाद्यं कोपतत्वं नृसिंहं व्यापकेन च
मकाराद्या आद्यवर्णाः सर्वे स्युश्चन्द्रभूषिताः
प्राणायामं ततः कृत्वा पूरकुम्भकरेचकैः
केचिदाहुरिहाचार्याः प्राणायामोत्तरं पुनः
दशतत्त्वादि विन्यस्य वक्ष्यमाणविधानतः
सर्वाङ्गे व्यापकं कृत्वा किरीटमनुना सुधीः
पञ्चाङ्गुलीषु करयोः पञ्चाङ्गं विन्यसेत्ततः
सकृद्व्यापय्य तारेण मन्त्रन्यासं ततश्चरेत्
घ्राणयोर्वदने कण्ठे हृदि नाभौ तथा पुनः
हृदन्तान्मन्त्रवर्णांश्च ततो मूर्ध्नि ध्रुवं न्यसेत्
विन्यसेद्धृदयान्तानि मनोः पञ्चपदानि च
अथ वक्ष्ये महागुह्यं सर्वन्यासोत्तमोत्तमम्
अणिमाद्यष्टसिद्धीनामीश्वरः स्यान्न संशयः
ताराद्याभिर्व्याहृतिभिः संपुटं विन्यसेन्मनुम्
गायत्र्या पुटुतं मन्त्रं विन्यसेन्मातृकास्थले
मातृकापुटितं मूलं विन्यसेत्साधकोत्तमः
तृचं न मातृकावर्णान्पूर्वं तत्तत्स्थले सुधीः
अनेन न्यासवर्येण साक्षात्कृष्णसमो भवेत्