स विष्णुलोकमान्पोति पुनरावृत्तिदुर्लभम्
स याति विष्णुभवनमिति प्राहुर्मनीषिणः
हरिभक्त्या महाभाग तेन विष्णुः प्रसीदति
स्वयमायाति चेद्विष्णुः कृतार्थो ऽस्मि न संशयः
प्रविवेशाध्वरस्थानं हुतवह्निमनोरमम्
वामनं सहसोत्थाय प्रत्यगृह्णात्कृताञ्जलिः
सकुटुंबो वहन्मूर्ध्ना परमां मुदमात्पवान्
रोमाञ्चिततनुर्भूत्वा हर्षाश्रुनयनो ऽब्रवीत्
जीवितं सफलं मे ऽद्य कृतार्थो ऽस्मि न संशयः
त्वदागमनमात्रेण ह्यनायासो महोत्सवः
यैः पूर्वं हि तपस्तप्तं तदद्य सफलं प्रभो
तस्मात्तुभ्यं नमस्तुभ्यं नमस्तुभ्यं नमस्तुभ्यं नमोनमः
अत्युत्साहसमायुक्तं समाज्ञापय मां प्रभो
देहि मे तपसि स्थातुं भूमिं त्रिपदसंमिताम्
ग्रामं वा नगरं चापि धनं वा किं कृतं त्वया
आसन्नभ्रष्टराज्यस्य वैराग्यं जनमन्निवा
सर्वसंगविहीनानां किमर्थैः साध्यतेवद
मयि सर्वमिदं दैत्य किमन्यैः साध्यते वद
नित्यानन्दस्वरुपाणां किमन्यैः साध्यते धनैः
अभिन्नमात्मनः सर्वं को दाता दीयते च किम्
तदाज्ञायां स्थिताः सर्वे लभन्ते परमं सुखम्
महीयं ब्राह्मणानां तु दातव्या सर्व यत्नतः
परं निर्वाणमान्पोति भूमिदो नात्र संशयः
ब्रह्मलोकमवाप्नोति पुनरावृत्तिदुर्लभम्
अतिदानं तु तज्ज्ञेयं सर्वपापप्राणाशनम्
दशहस्तां महीं दत्त्वा सर्वपापैः प्रमुच्यते
भूमिदानसमं नान्यत्रिषु लोकेषु विद्यते
तस्य पुण्यफलं वक्तुं न क्षमो ऽब्दशतैरहम्
स्वल्पामपि महीं दद्याद्यः स विष्णुर्न संशयः
पृथ्वी प्रदीयते येन स विष्णुर्नात्र संशयः