ममापीष्टेहं गन्धर्व वीणेत्याह कपीश्वरः
तदा मुष्टिप्रहारेण गन्धर्वः पातितः क्षितौ
हनुमान्वानरश्रेष्ठो गायन्प्रागाच्छिवान्तिकम्
बृहतीकुसुमैः शुद्धैर् देवपादावपूजयत्
दैत्यानां देवतानां च नृपाणां शङ्करो ऽपि च
समुल्लङ्घने शक्तिं शास्त्रज्ञत्वं बलोन्नतिम्
प्रत्यक्षं मम विप्रेन्द्र हनुमान्हर्षमागगतः
प्रसन्नमूर्तिस्तरुणः शिवांशः संभावयामास समस्तदेवान्
महेशेनाहमप्येनं शशिमौलिमवैमि च
बुद्धौ न्याये च वै धैर्ये तादृगन्यो ऽस्ति न क्वचित्
पठतां शृण्वतां चैव गच्छ विप्र यथासुखम्
वचनं दक्षिणीकृत्य नत्वा चागां यथागतः
सुखदं मोक्षदं सारं किमन्यच्छ्रोतुमिच्छसि
यत्पप्रच्छ पुनस्तच्च युष्मभ्यं प्रवदाम्यहम्
चरितं च महत्पुण्यं श्रुत्वा भूयो ऽब्रवीद्वचः
श्रावितं चरितं पुण्यं शिवस्य च हनूमतः
तत्प्रब्रूहि महाभाग किं पृष्ट्वान्यद्विदांवर
ब्रह्माद्या यान्समाराध्य सृष्ट्यादिकरणे क्षमाः
गोपीजनपदं पश्चाद्वल्लभायाग्निसुंदरी
नारदो ऽस्य मुनिश्छन्दो गायत्री देवता पुनः
स्वाहा शक्तिर्नियोगस्तु चतुर्वर्गप्रसिद्धये
गुह्ये बीजं पदोः शक्तिं न्यसेत्साधकसत्तमः
पञ्चाङ्गानि प्रविन्यस्य तत्त्वन्यासं समाचरेत्
मत्यन्तानि च तत्वानि जीवाद्यानि न्यसेत्क्रमात्
शब्दं स्पर्शं रूपरसौ गन्धं श्रोत्रं त्वचं तथा
पायुं शिश्नमथाकाशं वायुं वह्निं जलं महीम्
मूर्द्धास्यहृद्गुह्य पादेष्वथ शब्दादिकान्न्यसेत्
तथा वागादीन्द्रियाणि स्वस्वस्थानषु विन्यसेत्
हृत्पुण्डरीकमर्केन्दुह्निबिंबान्यनुक्रमात्
भूताष्टां गाक्षिपदगैर्वर्णैः प्रग्विन्न्यसेद्धृदि