एकादश तथा वारमथैकादशधान्वितम्
शैवयाविद्यया स्नानं केवलं प्रणवेन वा
कांस्येन मुक्ताशुक्त्या च पुष्पादिकेसरेण वा
शृङ्गस्य च विधिं वक्ष्ये स्नानयोग्यं यथा भवेत्
सुग्रिग्धं लघु कृत्वाथ नाङ्गं छिन्द्यात्कथञ्चन
कृशानुयुक्तं स्नानं तु देवाय परिकल्पयेत्
द्वारे निषिद्धलोहार्द्धसंधिद्वारासमन्विते
फलस्थाने तु चषकं दण्डेन समरन्ध्रकम्
पातयेदथ चान्येन वामेनैव करेण वा
एवं संस्नाप्य देवेशं पञ्चगव्यैस्तथैव च
विभूष्य भूषणैर्देवं पुनः स्नाप्यमहेश्वरम्
वस्त्रं तथोपवीतं च गन्धद्रव्यकमेव च
तूष्णीमथोपचारं वा कालीयं पुष्पमेव च
अनेकद्रव्यधूपं च गुग्गुलं केवलं तथा
धूपं दत्वा यथाशक्ति कपिलाघृतदीपकान्
नैवेद्यमुपपन्नं च दत्वा पुष्पसमन्वितम्
प्रदक्षिणनमस्कारौ पूजैवं हि समाप्यते
गीतिर्वाद्यं पुराणं च नृत्यं हासोक्तिरेव च
क्षमापनं चोद्रसनं प्रोक्तं पञ्चोपचारकम्
उपवीत च कैकर्यं षोडशानुपचारकान्
एकेनाह्ना समस्तानां पातकानां क्षयो भवेत्
एवमेतत्कपिश्रेष्ठ युदुक्तं पूजनं मम
आराधनं यथालिङ्गे विस्तरेण त्वयोदितम्
ततः प्राह कपिश्रेष्ठो देवदेवमुमापतिम्
तां करोमि पुरा देव पश्चात्त्वत्पादपूजनम्
सरसस्तीरमागत्य कृत्वा सैकतवेदिकाम्
प्रक्षाल्य पादौ हस्तौ च समाचम्य समाहितः
देववेद्यामथो चक्रे पद्मं च सुमनोहरम्
प्राणानायम्य संन्यस्य शुल्कध्यानसमन्वितः
अथ देवार्यनं कर्त्तुं यत्नमास्थितवान्कपिः