मुखाङ्गानि महाशूरः पातु रोमाणि चात्मवान्
स्थितं व्रजन्तमासीनं पिबन्तं जक्षतं कपिः
प्रमत्तमप्रमत्तं वा शयानं गहनेंऽबुनि
संग्रामे संकटे घोरे विराङ्रूपधरो ऽवतु
शयानं मां विभुः पातु पिशाचोरगराक्षसीः
साधकेन्द्रावनः शश्वत्पातु सर्वत एव माम्
स सर्वरूपः सर्वज्ञः सृष्टिस्थितिकरो ऽवतु
सूर्यमण्डलगः श्रीदः पातु कालत्रये ऽपि माम्
देवा मनुष्यास्तिर्यञ्चः स्थावरा जङ्गमास्तथा
यस्यानेककथाः पुण्याः श्रूयन्ते प्रतिकल्पके
वैधात्रधातृप्रभृति यत्किञ्चिद्दृश्यते ऽत्यलम्
यो विभुः सो ऽहमेषो ऽहं स्वीयः स्वयमणुर्बृहत्
तस्मै स्वस्मै च सर्वस्मै नतो ऽस्म्यात्मसमाधिना
समीरणात्मने तस्मै नतो ऽस्म्यात्मस्वरूपिणे
नमः श्रीरामभक्ताय श्यामाय महते नमः
संकाविदहनायाथ महासागरतारिणे
रावणान्तनिदानाय नमः सर्वोत्तरात्मने
अशोकवनविध्वंसकारिणे जयदायिने
वनपालशिरश्छेत्रे लङ्काप्रासादभञ्जिने
सौमित्रिजयदात्रे च रामदूताय ते नमः
लक्ष्मणाङ्गमहाशक्तिजातक्षतविनाशिने
ऋक्षवानरवीरौघप्रासादाय नमोनमः
विषघ्नाय द्विषघ्नाय भयघ्नाय नमोनमः
परप्रेरितमन्त्राणां मन्त्राणां स्तंभकारिणे
बालार्कमण्डलग्रासकारिणे दुःखहारिणे
विहॄङ्गमाय शवाय वज्रदेहाय ते नमः
करस्थशैलशस्त्राय राम शस्त्राय ते नमः
दक्षिणाशाभास्कराय सतां चन्द्रोदयात्मने
स्वाम्याज्ञापार्थसंग्रामसख्यसंजयकारिणे
किल्किलावुवकाराय घोरशब्दकराय च