यज्वा विप्रप्रियो विद्वान् ब्रह्मज्ञेयः सनातनः
सुकुमारो महावीरो मारीघ्नो मदिरेक्षणः
महाभागवतो धीमान्महाभयविनाशनः
जितेन्द्रियो जितारातिः स्वच्छन्दो ऽनन्तविक्रममः
सर्वशास्त्रकलाधरी विरजा लोकवन्दितः
विजयश्रीमहामान्यो जितारिर्मन्त्रनायकः
भद्रवादप्रियो वैद्यो विबुधो वरदो वशी
योगाढ्यः सर्वरोगघ्नो राजिताखिलभूतलः
सर्वायुधधरो ऽभीष्टप्रदः परपुरञ्जयः
सर्वज्ञाननिधिः सर्वसिद्ध्विदानकृतोद्यमः
सम्यग्दशदिशो व्याप्य पालयन्तु च मां सदा
शेषाद्या मूर्तयो ऽष्टौ च विक्रमेणैव भास्वराः
मम सौख्यमसंबाधमारोग्यमपराजयः
वाञ्छाप्तिरतिकल्याणमवैषम्यमनामयम्
भयहानिर्यशः कान्तिर्विद्या ऋद्धिर्महाश्रियः
दीर्घायुष्यं मनोहर्षः सौकुमार्यमभीप्सितम्
संतु मे कार्तवीर्य्यस्य हैहयेन्द्रस्य कीर्तनात्
सर्वपापप्रशमनं सर्वोपद्रवनाशनम्
विजयार्थप्रदं नॄणां सर्वसंपत्प्रदं शुभम्
चौरैर्हृतं यदा पश्येत्पश्वादिधनमात्मनः
सप्तरात्रेण लभते नष्टद्रव्यं न संशयः
देवासुरनिभं चापि परचक्रं निवारयेत्
विजयो जायते तस्य न कदाचित्पराजयः
स रोगमृत्युवेतालभूतप्रेतैर्न बाध्यते
त्रिदिनान्निगडादूद्ध्वो मुच्यते नात्र संशयः
असाध्यमपि सप्ताहात्साधयेन्मन्त्रवित्तमः
न दुष्टचौरव्याघ्राद्यैर्भयं स्यात्परिपन्थिभिः
न चासौ विषकृत्यादिरोगस्फोटैः प्रबाध्यते
सहस्रबाहुः शत्रुघ्नो रक्तवासा धनुर्धरः
द्वादशैतानि नामानि कार्तवीर्यस्य यः पठेत्