दूरादेव क्षयं यान्तु विनष्टबलसाहसाः
ये महाशनयो दीप्ता ये निर्घाताश्च दारुणाः
सूर्येन्दुकुजसौम्याश्च गुरुकाव्यशनैश्चराः
तिथयः संक्रमा मासा हायना युगनायकाः
निधयो ऋग्यजुःसामाथर्वाणश्चैव वह्नयः
विद्याश्चैव चतुःषष्टिभेदा या भुवनत्रये
ते संतु नः सदा सौम्याः सर्वकालसुखावहाः
कार्तवीर्यार्जुनो धन्वी राजेन्द्रो हैहयेश्वरः
दुःखहा चौरदमनो राजराजेश्वरः प्रभुः
राजचूडामणिर्योगी सप्तद्वीपाधिनायकः
यज्वा विप्रप्रियो विद्वान् ब्रह्मज्ञेयः सनातनः
सुकुमारो महावीरो मारीघ्नो मदिरेक्षणः
महाभागवतो धीमान्महाभयविनाशनः
जितेन्द्रियो जितारातिः स्वच्छन्दो ऽनन्तविक्रममः
सर्वशास्त्रकलाधरी विरजा लोकवन्दितः
विजयश्रीमहामान्यो जितारिर्मन्त्रनायकः
भद्रवादप्रियो वैद्यो विबुधो वरदो वशी
योगाढ्यः सर्वरोगघ्नो राजिताखिलभूतलः
सर्वायुधधरो ऽभीष्टप्रदः परपुरञ्जयः
सर्वज्ञाननिधिः सर्वसिद्ध्विदानकृतोद्यमः
सम्यग्दशदिशो व्याप्य पालयन्तु च मां सदा
शेषाद्या मूर्तयो ऽष्टौ च विक्रमेणैव भास्वराः
मम सौख्यमसंबाधमारोग्यमपराजयः
वाञ्छाप्तिरतिकल्याणमवैषम्यमनामयम्
भयहानिर्यशः कान्तिर्विद्या ऋद्धिर्महाश्रियः
दीर्घायुष्यं मनोहर्षः सौकुमार्यमभीप्सितम्
संतु मे कार्तवीर्य्यस्य हैहयेन्द्रस्य कीर्तनात्
सर्वपापप्रशमनं सर्वोपद्रवनाशनम्
विजयार्थप्रदं नॄणां सर्वसंपत्प्रदं शुभम्
चौरैर्हृतं यदा पश्येत्पश्वादिधनमात्मनः