अपस्मारग्रहा ये च ये ग्रहाः पिशिताशनाः
गन्धर्वाप्सरसः सिद्धा ये च देवादियोनयः
महाव्याघ्रमहामेघा महातुरागरूपकाः
ऋक्षवाराहशुनकवानरोलूकमूर्तयः
नानारूपा महासत्त्वा नानाक्लेशसहस्रदाः
वातिकाः पैत्तिका घोरा श्लैष्मिकाः सान्निपातिकाः
स्कान्दा वैनायकाः क्रूरा ये च प्रमथगुह्यकाः
ऐकाहिका व्द्याहिकाश्च त्र्याहिकाश्च महाज्वराः
सांवत्सरा दुर्निवार्या ज्वराः परमदारुणाः
कूष्माण्डा जृंभिका भौमा द्रोणाः सान्निध्यवञ्चकाः
मनोबुद्वीन्द्रियहराः स्फोटकाश्च महाग्रहाः
दिवाचरा रात्रिचरा ये च संध्यासु दारुणाः
ते सर्वे कार्त्तवीर्यस्य धनुर्मुक्तशराहताः
ये सर्पा ये महानागा महागिरिबिलेशयाः
अनन्तशूलिकाद्याश्च दंष्ट्राविषमहाभयाः
महाविषजलौकाश्च वृश्चिका रुक्तपुच्छकाः
जलसर्पा जलव्याला जलग्राहाश्च कच्छपाः
जलजाः स्थलजाश्चैव कृत्रिमाश्च महाविषाः
नानाविषाश्च ये घोरा महोपविषसंज्ञकाः
ते सर्वे कार्तवीर्यस्य खङ्कसाहस्रदारिताः
मनुष्याः पशवो त्वृक्षवानरा वनगोचराः
गजास्तुरङ्गा गवया रासभाः शरभा वृकाः
शृगालाः शशकाः श्येना गुरुत्मन्तो विहॄङ्गमाः
उद्भिज्जाश्चाण्डजाश्चैव स्वेदजाश्च जरायुजाः
ये ऽस्मान्बाधितुमिच्छन्ति सेध्यासु च दिवा निशि
दूरादेव विनश्यन्तु विनष्टगतिपौरुषाः
मारणोत्सादनोन्मूलद्वेषमोहनकारकाः
ये चाततायिनो दुष्टा ये पापा गोप्यहारिणः
क्षेत्रवित्तादिहरणबन्धनादिभयप्रदाः
पीडाकरा ये सततं छिद्रमिच्छन्ति बाधितुम्