राजमार्गे महादुर्गे मार्गे चौरा दिसंकुले
संग्रामे शस्त्रसंघाते सिंहव्याघ्रनिषेविते
विवादे विपुलावर्ते समुद्रे च नदीतटे
सर्वस्वहरणे प्राप्ते प्राप्ते प्राणस्य संकटे
मारीदुःस्वप्नपीडासु क्लिष्टे विश्वासघातके
आधिव्याधिभये विघ्नज्वालोपद्रवके ऽपि च
आङ्गुतुकामानखिलानस्मद्वसुविलुंपकान्
स्वकरोद्धृतसाहस्रपाशबद्धान्सुदुर्जयान्
सृणिसाहस्रनिर्भिन्नान्सहस्रशरखण्डितान्
खड्ग साहस्रदलितान्सहस्रमुशलार्दितान्
स्वशङ्खनादसंत्रस्तान्सहस्रारसहस्रभृत्
कार्तवीर्य महावीर्य सर्वदुष्टविनाशन
किं त्वं स्वपिषि दुष्टघ्न किं तिष्टसि चिरायासि
ये चौरा वसुहर्तारो विद्विषो ये च हिंसकाः
दुर्हृदो दुष्टभू पाला दुष्टामात्याश्च पापकाः
सर्वस्वहारिणां ये च पञ्च मायाविनो ऽपरेः
ये ऽग्निदा गरदातारो वञ्चकाः शस्त्रपाणयः
व्याजकाः कुपथासक्ता ये च नानाभयप्रदाः
ते सर्वे कार्तवीर्यस्य महाशङ्खरवाहताः
ये दानवा महादित्या ये यक्षा ये च राक्षसाः
अपस्मारग्रहा ये च ये ग्रहाः पिशिताशनाः
गन्धर्वाप्सरसः सिद्धा ये च देवादियोनयः
महाव्याघ्रमहामेघा महातुरागरूपकाः
ऋक्षवाराहशुनकवानरोलूकमूर्तयः
नानारूपा महासत्त्वा नानाक्लेशसहस्रदाः
वातिकाः पैत्तिका घोरा श्लैष्मिकाः सान्निपातिकाः
स्कान्दा वैनायकाः क्रूरा ये च प्रमथगुह्यकाः
ऐकाहिका व्द्याहिकाश्च त्र्याहिकाश्च महाज्वराः
सांवत्सरा दुर्निवार्या ज्वराः परमदारुणाः
कूष्माण्डा जृंभिका भौमा द्रोणाः सान्निध्यवञ्चकाः