सर्वशास्त्रकलाधारी जिह्वां चिबुकमव्ययः
भुजौ दशास्यदर्पघ्नो हृदयं मे महाबलः
करौ सर्वार्थदः पातुकराग्राणि जगत्प्रियः
वीरशूरस्तु मे नाभिं पार्श्वौ मे सर्वदुष्टहा
ऊरू माहिष्मतीनाथो जानुनी वल्लभो भुवः
पातु सर्वायुधधरः सर्वाङ्गं सर्वमर्मसु
प्राणादिदशजीवेशान्सर्वशिष्टेष्टदो ऽवतु
अनुक्तमपि यत्स्थान शरीरान्तर्बहिश्च यत्
वज्रात्सारतरं चेदं शरीरं कवचावृतम्
बद्धेदं कवचं दिव्यमभेद्यं हैहयेशितुः
राजमार्गे महादुर्गे मार्गे चौरा दिसंकुले
संग्रामे शस्त्रसंघाते सिंहव्याघ्रनिषेविते
विवादे विपुलावर्ते समुद्रे च नदीतटे
सर्वस्वहरणे प्राप्ते प्राप्ते प्राणस्य संकटे
मारीदुःस्वप्नपीडासु क्लिष्टे विश्वासघातके
आधिव्याधिभये विघ्नज्वालोपद्रवके ऽपि च
आङ्गुतुकामानखिलानस्मद्वसुविलुंपकान्
स्वकरोद्धृतसाहस्रपाशबद्धान्सुदुर्जयान्
सृणिसाहस्रनिर्भिन्नान्सहस्रशरखण्डितान्
खड्ग साहस्रदलितान्सहस्रमुशलार्दितान्
स्वशङ्खनादसंत्रस्तान्सहस्रारसहस्रभृत्
कार्तवीर्य महावीर्य सर्वदुष्टविनाशन
किं त्वं स्वपिषि दुष्टघ्न किं तिष्टसि चिरायासि
ये चौरा वसुहर्तारो विद्विषो ये च हिंसकाः
दुर्हृदो दुष्टभू पाला दुष्टामात्याश्च पापकाः
सर्वस्वहारिणां ये च पञ्च मायाविनो ऽपरेः
ये ऽग्निदा गरदातारो वञ्चकाः शस्त्रपाणयः
व्याजकाः कुपथासक्ता ये च नानाभयप्रदाः
ते सर्वे कार्तवीर्यस्य महाशङ्खरवाहताः
ये दानवा महादित्या ये यक्षा ये च राक्षसाः