वर्त्यतरं यदा कुर्यात्कार्यं सिद्ध्येद्विलंबतः
अशुचिस्पर्शने व्याधिर्दीपनाशे तु चौरभीः
पात्रारंभे वसुपलैः कृतो दीपो ऽखिलेष्टदः
आसमाप्तेः प्रकुर्वीत ब्रह्मचर्यं च भूशयः
जपेत्सहस्रं प्रत्येकं मन्त्रराजं नवाक्षरम्
एकपादेन दीपाग्रे स्थित्वा यो मन्त्रनायकम्
समाप्य शोभनदिने संभोज्य द्विजसत्तमान्
कर्ता तु दक्षिणां दद्यात्पुष्कलां तोषहेतवे
गुर्वाज्ञया स्वयं कुर्याद्यदि वा कारये द्गुरुः
गुर्वाज्ञामन्तरा कुर्याद्यो दीपं स्वेष्टसिद्धये
उत्तमं गोघृतं प्रोक्तं मध्यमं महषीभवम्
आस्यरोगे सुगन्धेन दद्यात्तैलेन दीपकम्
सहस्रेण पलैर्दीपे विहिते च न दृश्यते
तदा सुदुर्लभमपि कार्य्यं सिद्ध्व्येन्न संशयः
स्तुतिप्रोयो महाविष्णुर्गणेश स्तपर्णप्रियः
तस्मात्तेषां प्रतोषाय विदध्यात्तत्तदादरात्
त्वया मह्यं समाख्यातं विधानं तन्त्रगोपितम्
कवचे श्रोतुमिच्छामि तद्वदस्वकृपानिधे
कार्तवीर्यस्य येनासौ प्रसन्नः कार्यसिद्धिकृत्
भास्वद्ध्वजपताकाढ्ये तुरगायुतभूषिते
समुद्धृतमहाछत्त्रवितानितवियत्पथे
सुस्थितं विपुलोदारं सहस्रभुजमण्डितम्
किरीटहारमुकुटकेयूरवलयाङ्गदैः
भूषितं विविधाकल्पैर्भास्वरैः सुमहाधनैः
धनुर्ज्या सिंहनादेन कंपयन्तं जगत्त्रयम्
सर्वसंपत्प्रदातारं विजयश्रीनिषेवितम्
दिव्यमाल्यानुलेपाढ्यं सर्वलक्षणसंयुतम्
वरदं चक्रवर्तीनं सर्वलोकैकपालकम्
महायोगभवैश्वर्यकीर्त्याक्रान्तजगत्त्रयम्
सम्यगात्मादिभेदेन ध्यात्वा रक्षामुदीरयेत्