सहस्रदहनप्रान्ते वर्मास्त्रान्तो महामनुः
राजन्यक्रवर्ती च वीरः शूरस्तृतीयकः
रेवांबुपरितृप्तश्च काणो हस्तप्रबाधितः
सिंच्यमानं युवतिभिः क्रीडन्तं नर्मदाजले
एवं ध्यात्वायुतं मन्त्रं पजेदन्यत्तु पूर्ववत्
कार्तवीर्यार्जुनो नाम राजा बाहुसहस्रवान्
लभ्यते मन्त्रवर्यो ऽयं द्वात्रिंशद्वर्णसंयुतः
कार्तवीर्याय शब्दान्ते विद्महे पदमुञ्चरेत्
तन्नोर्ऽजुनः प्रवर्णान्ते चोदयात्पदमीरयेत्
अनुष्टुभं मनुं रात्रौ जपतां चौरसंचयाः
अथो दीपविधिं वक्ष्ये कार्तवीर्यप्रियङ्करम्
माघफाल्गुनयोर्मासोर्दीपारंभं समाचरेत्
हस्तोत्तराश्विरौद्रेयपुष्यवैष्णववायुभे
चरमे च व्यतीपाते धृतौ वृद्धौ सुकर्मणि
करणे विष्टिरहिते ग्रहणे ऽर्द्धोदयादिषु
कार्तिके शुक्लसप्तम्यां निशीथे ऽतीव शोभनः
अत्यावश्यककार्येषु मासादीनां न शोधनम्
प्रातः स्नात्वा शुद्धभूमौ लिप्तायां गोमयोदकैः
षट्कोणं रचयेद्भूमौ रक्तचन्दनतण्डुलैः
नवार्णैर्वेष्टयेत्तञ्च त्रिकोणं तद्बहिः पुनः
स्वर्णजं रजतोत्थं वा ताम्रजं तदभावतः
शान्तये मुद्गचूर्णोत्थं संधौ गोधूमचूर्णजम्
आज्ये ऽयुतपले पात्रं पलपञ्चशता स्मृतम्
त्रिसाहस्री घृतपले शर्करापलभाजनम्
शते ऽक्षिचरसंश्यातमेवमन्यत्र कल्पयेत्
एवं पात्रं प्रतिष्ठाप्य वर्तीः सूत्रोत्थिताः क्षिपेत्
तिथिमानादासहस्रं तन्तुसंख्या विनिर्मिता
सहस्रपलसंख्यादिदशांशं कार्यगौरवात्
तदर्द्धां वा तदर्द्धां वा सूक्ष्माग्रां स्थूलमूलिकाम्
पात्रदक्षिणदिग्देशे मुक्त्वां गुलचतुष्टयम्