शान्तियुक्तचतुर्थेन कामाद्येन शिराःएंऽगकम्
शिखामङ्कुशपद्माभ्यां सवाग्भ्यां वर्म विन्यसेत्
हृदये जठरे नाभौ जठरे गुह्यदेशतः
विन्यसेद्बीजदशकं प्रणवद्वयमध्यगम्
भ्रुवोः श्रुत्योस्तथैवाक्ष्णोर्नसि वक्त्रे गलेंऽसके
सर्वेष्टसिद्धये ध्यायेत्कार्तवीर्यं जनेश्वरम्
दोर्भिः पञ्चाशता दक्षैर्बाणान्वामैर्धनूंषि च
चक्रावतारं श्रीविष्णोर्ध्यायेदर्जुनभूपतिम्
सतण्डुलैः पायसेन विष्णुपीठे यजत्तुतम्
चौरमदविभञ्जनं मारीमदविभञ्जनम्
दुष्टनाशं दुःखनाशं दुरितापद्विनाशकम्
क्षेमङ्करी वश्यकरी श्रीकरी च यशस्करी
धनकर्यष्टमी पश्चाल्लोकेशा अस्त्रसंयुताः
कार्तवीर्यार्जुनस्याथ पूजायन्त्रमिहोच्यते
तारादिवर्मान्तदलं शेषवर्णदलान्तरम्
कोणालङ्कृतभूतार्णभूगृहं यन्त्रमीशितुः
तत्र कुंभं प्रतिष्ठाप्य तत्रावाह्यार्चयेन्नृपम्
अभिषिं चेत्तदंभोभिः प्रियं सर्वेष्टसिद्धये
वाक्सिद्धिं सुदृशः कुम्भाभिषिक्तो लभते नरः
संस्थापंयेदिदं यन्त्रं शत्रुभीतिनिवृत्तये
धत्तूरैः स्तभ्यते निम्बैर्द्वेष्यते वश्यतेंऽबुजैः
कटुतैलमहिष्याज्यैर्हेमद्रव्याञ्जनं स्मृतम्
तिलतण्डुलसिद्धार्थजालैर्वश्यो नृपो भवेत्
स्त्रीवश्यकृत्प्रियङ्गूणां मुराणां भूतशान्तिदः
समिधो लभते हुत्वा पुत्रानायुर्द्धनं सुखम्
रोचनागोमयैस्तंभो भूप्राप्तिः शालिभिर्हुतैः
प्रकल्पनीया मन्त्रज्ञैः कार्य्यगौरवलाघवात्
कार्तवीर्यार्जुनं ङेंतं सर्वमन्त्रेषु योजयेत्
आद्यबीजद्वयेनासौ द्वितीयो मन्त्र ईरितः
स्वपाशाभ्यां पञ्चमो ऽसौ षष्टः स्वेन च मायया