जायन्ते ऽथ प्रलीयन्ते स्वस्वकर्मानुसारतः
समुल्लङ्घ्य नृपानन्यानेतन्मे नुद संशयम्
यथा सेव्यत्वमापन्नः कार्तवीर्यार्जुनो भुवि
दत्तात्रेयं समाराध्य लब्धवांस्तेज उत्तमम्
शत्रूञ्जयति संग्रामे नष्टं प्राप्नोति सत्वरम्
तुभ्यं प्रकाशयिष्ये ऽहं सर्वसिद्धिप्रदायकम्
वेधाधरेन्दुशान्त्याढ्यो निद्रयाशाग्नि बिन्दुयुक्
रेफोवा द्यासनो ऽनन्तो वह्निजौ कर्णसंस्थितौ
ऊनर्विशतिवर्णो ऽयं तारादिर्नखवर्णकः
कार्तवीर्यार्जुनो देवो बीजशक्तिर्ध्रुवश्च हृत्
शान्तियुक्तचतुर्थेन कामाद्येन शिराःएंऽगकम्
शिखामङ्कुशपद्माभ्यां सवाग्भ्यां वर्म विन्यसेत्
हृदये जठरे नाभौ जठरे गुह्यदेशतः
विन्यसेद्बीजदशकं प्रणवद्वयमध्यगम्
भ्रुवोः श्रुत्योस्तथैवाक्ष्णोर्नसि वक्त्रे गलेंऽसके
सर्वेष्टसिद्धये ध्यायेत्कार्तवीर्यं जनेश्वरम्
दोर्भिः पञ्चाशता दक्षैर्बाणान्वामैर्धनूंषि च
चक्रावतारं श्रीविष्णोर्ध्यायेदर्जुनभूपतिम्
सतण्डुलैः पायसेन विष्णुपीठे यजत्तुतम्
चौरमदविभञ्जनं मारीमदविभञ्जनम्
दुष्टनाशं दुःखनाशं दुरितापद्विनाशकम्
क्षेमङ्करी वश्यकरी श्रीकरी च यशस्करी
धनकर्यष्टमी पश्चाल्लोकेशा अस्त्रसंयुताः
कार्तवीर्यार्जुनस्याथ पूजायन्त्रमिहोच्यते
तारादिवर्मान्तदलं शेषवर्णदलान्तरम्
कोणालङ्कृतभूतार्णभूगृहं यन्त्रमीशितुः
तत्र कुंभं प्रतिष्ठाप्य तत्रावाह्यार्चयेन्नृपम्
अभिषिं चेत्तदंभोभिः प्रियं सर्वेष्टसिद्धये
वाक्सिद्धिं सुदृशः कुम्भाभिषिक्तो लभते नरः
संस्थापंयेदिदं यन्त्रं शत्रुभीतिनिवृत्तये