पञ्चधान्यमिदं प्रोक्तं नित्यदीपं तु मारुतेः
सर्वकामप्रदं प्रोक्तं सर्वदा दीपदानके
उञ्चाटने कृष्णतिलपिष्टजं च प्रकीर्तितम्
मोहने त्वाढकीजात विद्वेषे च कुलत्थजम्
संधौ त्रिपिष्टजं लक्ष्मीहेतोः कस्तूरिकाभवम्
कन्याप्राप्त्यै तथा राजवंश्ये सख्ये तथैव च
अष्टमुष्टिर्भवेत्किञ्चित्किञ्चिदष्टौ चः पुष्कलम्
चतुराढको भवेद्द्रोणः खारी द्रोणचतुष्टयम्
अथवान्यप्रकारेण मानमत्र निगद्यते
चतुर्भिः कुडवैः प्रस्थस्तैश्चतुर्भिस्तथाढकः
क्रमेणैतेन ते ज्ञेयाः पात्रे षट्कर्मसंभवे
सौगन्धे नैव मानं स्यात्तद्यथारुचि संमतम्
सोमवारे गृहीत्वातद्ध्वान्यं तोयप्लुतं धरेत्
तत्पिष्टं शुद्धपात्रे तु नदीतोयेन पिण्डितम्
दीपपात्रे ज्वाल्यमाने मारुतेः कवचं पठेत्
मालामनूनां ये वर्णाः साध्यनामसमन्विताः
तत्त्रिंशांशेन वा ग्राह्या गुरुकार्ये ऽखिलाढ्यता
रुद्राः कूटगणाः प्रोक्ता न पात्रे नियमो मतः
रक्तसूत्रं हनुमतो दीपदाने प्रकीर्तितम्
कूटतुल्यपलं तैलं गुरुकार्ये शिवैर्गुणम्
नित्ये पञ्चपलं प्रोक्तमथवा मानसी रुचिः
शिवालये ऽथवा कुर्यान्नित्यनैमित्तिके स्थले
विशेषो ऽस्त्यत्र यः कश्चिन्मारुते रुच्यते मया
चतुष्पथे तथा प्रोक्तं षट्सु दीपप्रदापनम्
नानाभोगश्रियै प्रोक्तं दीपदानं हनूमतः
विषव्याधिभये घोरे हनुमत्सन्निधौ स्मृतम्
चतुष्पथे व्याधिनष्टौ दुष्टदृष्टौ तथैव च
अश्वत्थवटमूले तु सर्वकार्यप्रसिद्धये
द्यूते दृष्टिस्तंभने च विद्वेषे मारणे तथा
विषे व्याधौ ज्वरे भूतग्रहे क्रृत्याविमोचने