सर्वशत्रुच्छेदनेति ततो मम परस्य च
सर्वजीवपदान्ते तु जातं वशययुग्मकम्
ततो नानानामधेयान्सर्वान् राज्ञः स संपठेत्
सर्वशस्त्रवीत्यन्ते षाणि विध्वंसय द्वयम्
विलोमं पञ्चकूटानि सर्वशत्रून्हनद्वयम्
परबलानि परान्ते सैन्यानि क्षोभयद्वयम्
मम सर्वं कार्यजातं साधयेति द्वयं ततः
धेत्रयं वर्मत्रितयं फट्त्रयं हान्त्रयं ततः
वह्निप्रियान्तो मन्त्रो ऽयं मालासंज्ञो ऽखिलेष्टदः
वस्वष्टबाणवर्णो ऽयं मन्त्रः सर्वेष्टासाधकः
द्वादशार्णस्य षट्कूटं त्यक्त्वा बीजं तथादिमम्
रामचन्द्रो मुनिश्चास्य गायत्री छन्द ईरितम्
पञ्चबीजैः समस्तेन षडङ्गानि समाचरेत्
सीताशोकविनाशो ऽयं लङ्काप्रासादभञ्जनः
षडङ्गमनवो ह्येते ध्यानपूजादि पूर्ववत्
पञ्चकूटानि मन्त्रो ऽयं रुद्रार्णः सर्वसिद्धिदः
अयमाराधितो मन्त्रः सर्वाभीष्टप्रदायकः
जनेयाय महान्ते तु बलायान्ते ऽग्निवल्लभा
छन्दो ऽनुष्टुप्देवता तु हनुमान्पवनात्मजः
आञ्जनेयाय हृदयं शिरश्च रुद्रमूर्तये
रामदूताय नेत्रं स्याद्बह्यास्त्रायास्त्रमीरितम्
चलत्कुण्डलदीप्तास्यं पद्मक्षं मारुतिं स्मरेत्
वैष्णवे पूजयेत्पीठे प्रागुद्दिष्टेन वर्त्मना
जपित्वा क्षुद्ररोगेभ्यो मुच्यते नात्र संशयः
राक्षसौघं विनिघ्नन्तं कपिं ध्यात्वाधनाशनम्
सुग्रीवेण समं रामं संदधानं कपिं स्मरन्
ध्यात्वा लङ्कां दहॄन्तं तमयुतं प्रजपेन्मनुम्
ध्यात्वा प्रयाणसमये हनुमन्तं जपेन्मनुम्
हनुमन्तं सदा गेहे योर्ऽचयेज्जपतत्परः
कानने व्याघ्रचौरेभ्यो रक्षेन्मनुरयं स्मृतः