निवेदितानि पर्णानि तेभ्यो दद्याद्विभज्य च
तत इष्टगणैः सार्द्धं स्वयं भुञ्जीत वाग्यतः
एवं यः कुरुते मर्त्यः सो ऽचिरादेव निश्चितम्
हनुमत्प्रतिमां भूमौ विलिखेत्तत्पुरो मनुम्
एवमष्टोत्तरशतं लिखित्वा मार्जयेत्पुनः
एवमन्यानि कर्माणि कुर्य्यान्त्पल्लवमुल्लिखन्
कुङ्कुमैरिध्मकाष्ठैर्वा मरीचैर्जीरकैरपि
शूले करञ्जवातारिसमिद्भिस्तैललोलितैः
सौभाग्ये चन्दनैश्चेन्द्रलोचनैर्वा लवङ्गकैः
रिपुपादरजोभिश्च राजीलवणमिश्रितैः
धान्यैः संप्राप्यते धान्यमन्नैरन्नसमुच्छ्रयः
किं बहूक्तैर्विषे व्याधौ शान्तौ मोहे च मारणे
वश्ये युद्धे क्षते दिव्ये बन्धमोक्षे महावने
वक्ष्ये ऽथ हनुमद्यन्त्रं सर्वसिद्धिप्रदायकम्
साध्यनाम लिखेन्मध्ये पाशिबीज प्रवेष्टितम्
तद्बहिर्दंहमालिख्य तद्बहिश्चतुरस्रकम्
सैं बीजं भूपुरस्याष्टवज्रेषु विलिखेत्ततः
तत्सर्वं वेष्टयेद्यन्त्रवलयत्रितयेन च
ताडपत्रे ऽथ भूर्जे वा रोचनानाभिकुङ्कुभैः
कपेः प्राणान्प्रतिष्टाप्य पूजयेत्तद्यथाविधि
मारीज्वराभिचारादिसर्वोपद्रवनाशनम्
भूतकृत्यापिशाचानां दर्शनादेव नाशनम्
दीर्घत्रयान्विता माया प्रागुक्तं कूटपञ्चकम्
आक्रान्तदिग्मण्डलान्ते यशोवितानसंवदेत्
देहज्वलदग्निसूर्य कोट्यन्ते च समप्रभ
लङ्कापुरी ततः पश्चाद्दहनोदधिलङ्घन
सीतान्ते श्वसनपदं वाय्वन्ते सुतमीरयेत्
नन्दन्ति कर वर्णान्ते सैन्यप्राकार ईरयेत्
कारणद्रोणशब्दान्ते पर्वतोत्पाटनेति च
छेदनान्ते वनरक्षाकरान्ते तु समूह च