ततो ऽष्टदलमूले तु मातरो ऽष्टौ समर्चयेत्
दलाग्रेष्यर्चयेत्पश्चात्साधकश्चाष्टभैरवान्
बटुकं कालदमनं दन्तुरं विकटं तथा
शङ्खं चक्रं गदां पद्मं नन्दकं शार्ङ्गमेव च
वज्राद्यांस्तद्बहिश्चेष्ट्वाद्वारेषु च ततः क्रमात्
समस्तप्रकटाद्याश्च योगिन्यस्तद्बहिर्भवेत्
तद्बाह्ये पर्वतानष्टौ नक्षत्राणि च तद्बहिः
वागीश्वरसमो वाचि धनैर्धनपतिर्भवेत्
अष्टोत्तरसहस्रं तु शुद्धं वार्यभिमन्त्रितम्
जन्ममूको ऽपि स नरो वाक्सिद्धिं लभते ध्रुवम्
चन्द्रसूर्योपरागे तु पात्रे रुक्ममये क्षिपेत्
स्पर्शाद्विमोक्षपर्यन्तं प्रजपेन्मन्त्रमादरात्
ज्योतिष्मतीलताबीजं दिनेष्वेकैकवर्द्धितम्
सरस्वत्यवतारो ऽसौ सत्यं स्याद्भुवि मानवः
सर्ववेदागमादीनां व्याख्याता ज्ञानवान् भवेत्
येषामाराधनान्मर्त्यास्तरन्ति भवसागरम्
गाणपत्येषु सौरेषु शाक्तशैवेष्वभीष्टदम्
गाणपत्यादिमन्त्रेभ्यः कोटिकोटिगुणाधिकाः
रामाय हृदयान्तो ऽयं महाघौधविनाशनः
ब्रह्महत्यासहस्राणि ज्ञाताज्ञातकृतानि च
कोटिकोटिसहस्राणि ह्युपपापानि यानि वै
ब्रह्मा मुनिः स्याद्गायत्री छन्दो रामश्च देवता
षड्दीर्घभाजा बीजेन षडङ्गानि समाचरेत्
मन्त्रवर्णान्क्रमान्न्यस्य केशवादीन्प्रविन्यसेत्
कालांभोधरकान्तं च वीरा सनसमास्थितम्
सरोरुहकरां सीतां विद्युदाभां च पार्श्वगाम्
ध्यात्वैवं प्रजपेद्वर्णलक्षं मन्त्री दशांशतः
पूजयेद्वैष्णवे पीठे विमलादिसमन्विते
सीतां वामे समासीनां तन्मन्त्रेण प्रपूजयेत्
अग्रेः शार्ङ्गं च सम्पूज्य शरान्पार्श्वद्वयेर्ऽचयेत्