अष्टोत्तरशतमूलमन्त्रमन्त्रितभस्मना
लिप्ताङ्गः सर्वरोगैश्च मुच्यते नात्र संशयः
औदुम्बरसमिद्भिस्तु भवेद्धान्यसमृद्धिमान्
क्रुद्धस्य सन्निधौ राज्ञो जपेदष्टोत्तरं शतम्
कुन्दप्रसूनैरुदयं मोचाभिर्विघ्ननाशनम्
शाल्युत्थसक्तुहोमेन वशयेदखिलं जगत्
दधिमध्वाज्यमिश्रां तु गुडूचीं चतुरङ्गुलाम्
शनैश्चरदिने ऽश्वत्थं स्पृष्ट्वा चाष्टोत्तरं शतम्
अथ ते संप्रवक्ष्यामि यन्त्रं त्रैलोक्यमोहनम्
श्वेतभूर्ज्जे लिखेत्पद्मं द्वात्रिंशत्सिंहसंयुतम्
श्रीबीजेन तु तुसंवेद्य वलयत्रयसंयुतम्
त्रैलोक्यमोहनं नाम सर्वकामार्थसाधनम्
धारणाज्जयमाप्नोति सत्यं सत्यं न संशयः
अष्टारं विलिखेद्यन्त्रं श्लक्ष्णं कर्णिकया युतम्
एकाक्षरं नारसिंहं मध्ये चैव ससाध्यकम्
स्वर्णरौप्यसुताम्रैश्च वेष्टयेत्क्रमतः सुधीः
कण्ठे भुजे शिखायां वा धारयेद्यन्त्रमुत्तमम्
दुष्टास्तं नैव बाधन्ते पिशाचोरगराक्षसाः
अथान्यत्संप्रवक्ष्यामि यन्त्रं सर्ववशङ्करम्
मात्राद्वादशसंभिन्नदलेन विलिखेद्रुधः
कालान्तकं नाम चक्रं सुरासुखशङ्करम्
यस्य धारणमात्रेण सर्वत्र विजयी भवेत्
बीजं हृद्भगवान्ङेंतो नरसिंहाय तत्परम्
त्राय सर्वादिरक्षोघ्नाय च नः सर्वभूपदम्
नामान्ते दहयुग्मं च पचद्वयमुदीरयेत्
अष्टषष्ट्यक्षरैः प्रोक्तो ज्वालामाली मनूत्तमः
पङ्क्तिभी रुद्रासंख्याकैरष्टादशभिरक्षरैः
पूर्वोक्तरूपिणं ज्वालामालिन नृहरिं स्मरेत्
रौद्रापस्मारभूतादिनाशको ऽयं मनूत्तमः
षडक्षरो महामन्त्रः सर्वाभीष्टप्रदायकः