निशितैर्नखदंष्ट्राग्रैः खाद्यमानं च संस्मरेत्
जायते मण्डलादर्वाक् शत्रुर्वै शमनातिथिः
श्रीकामः सततं ध्यायेत्पूर्वोक्तं नृहरिं सितम्
विषमृत्यूपरोगादिसर्वोपद्रवनाशनम्
आन्त्रमालाधरं रौद्रं कण्ठहारेण भूषितम्
चन्द्रमौलिं नीलकण्ठं प्रतिवक्त्रं त्रिनेत्रकम्
अक्षसूत्रं गदापद्मं शङ्खं गोक्षीरसन्निभम्
खड्गं शूलं च बाणं च नृहरिं रुद्ररूपिणम्
पूर्वादि चोत्तरं यावदूद्ध्वार्स्यं सर्ववर्णकम्
सर्वमृत्युहरं दिव्य स्मरणात्सर्वसिद्धिदम्
नृसिंहः सर्वलोकेशः सर्वाभरणभूषितः
शङ्खचचक्रधरौ द्वौ तु द्वौ च बाणघनुर्द्धरौ
पाशाङ्कुशधरौ द्वौ च द्वौ रिपोर्मुकुटार्पितौ
ध्यायेन्नारद नीलाभमुग्रकर्ममण्यनन्यधीः
नृसिंहः सर्वभूतेशः सर्वसिद्धिकरः परः
हलं च मुशलं चैव अभयं चाङ्कुशं तथा
वामभागे करैः शंङ्खं खेटं पाशं च शूलकम्
कार्मुकं तर्जनीमुद्रां गदां डमरुशूर्पकौ
ऊर्द्ध्वीकृताभ्यां बाहुभ्यां आन्त्रमालाधरं विभुम्
प्रियङ्करं च भक्तानां दैत्यानां च भयङ्करम्
एवं ध्यात्वा जपेन्मन्त्री सर्वकार्यार्थसिद्धये
स्वर्णवर्णसुपर्णस्थं विद्युन्मालासटान्वितम्
चक्रशङ्खाभयवरान्दधतं करपल्लवैः
शत्रोः सेनानिरोधेन यत्नं कुर्याञ्च साधकम्
देवं नृसिंहं संपूज्य कुसुमाद्युपचारकैः
रिपुं खादन्निव जपेन्निर्दहन्निव तं क्षिपेत्
प्रस्थापयेच्छुभे लग्ने परराष्ट्रजयेच्छया
स्मृत्वा जपं प्रक्लर्वीत यावदायाति सा पुनः
प्रीणयेन्मन्त्रिणं राजा विभवैः प्रीतमानसः
यदि मन्त्री न तुष्येत तदानर्थो महीपतेः