मुखबाह्वङ्घ्रिसंध्यग्रेष्वथ कुक्षौ तथा हृदि
प्रणवान्तरितान् कृत्वा न्यसेत्साधकसत्तमः
कराङ्घ्षष्टाद्यङ्गुलीषु पृथगाद्यन्तपर्वणोः
शिरोललाटे भ्रुमध्ये नेत्रयोः कर्णयोस्तथा
कण्ठे घोणे च भुजयोर्द्दत्तनौ नाभिमण्डले
गुल्फे पादकराङ्गुल्योः सर्वसन्धिषु रोमसु
वर्णान्पदे गुल्फजानुकटिनाभिहृदि स्थले
कर्णयोर्वदने नासापुटे नेत्रे च मूर्द्धनि
आस्ये च हृदय नाभौ पादान्सर्वाङ्गकेन्यसेत्
उग्रादीनि पदानी ह मृत्युमृत्युं नमाम्यहम्
हृदि नाभौ च कट्यादिपादान्तं नवसु न्यसेत्
नृसिंहाद्यानि तान्येव पूर्ववद्विन्यसेत्सुधीः
विभक्ता पन्त्रवर्णांश्च क्रमात्स्थानेषु विन्यसेत्
हृदयाद्भ्रूयुगान्तं तु नेत्रत्रये च मस्तके
विन्यसेन्नामतो धीमान्हरिन्यासो ऽयमीरितः
एवं न्यासविधिं कृत्वा ध्यायेच्च नृहरिं हृदि
नखाग्रभिन्नदैत्येशो ज्वालामालासमन्वितः
नृसिंहो ऽस्मान्सदा पातुस्थलांबुगगनोपगः
जानुमध्यगतौ कृत्वा चिबुकोष्टौ समावुभौ
मुखं विजृंभितं कृत्वा लेलिहानां च जिह्विकाम्
वामस्याङ्गुष्टतो बद्ध्वाकनिष्टामङ्गलीत्रयम्
अङ्गुष्टाभ्यां च करयोस्तथाऽक्रम्य कनिष्टके
हस्तावधोमुखौ कृत्वा नाभिदेशे प्रसार्य च
हस्तावूर्द्ध्वमुखौ कृत्वा तले संयोज्य मध्यमे
तर्जन्यौ पृष्टतो लग्नौ अङ्गुष्टौ तर्जनीश्रितौ
चक्रमुद्रा तथा कृत्वा तर्जनीभ्यां तु मध्यमे
एता मुद्रा नृसिंहस्य सर्वमन्त्रेषु संमताः
घऋताक्तर्जुहुयाद्वह्नौ पीठे पूर्वोदितेर्ऽचयेत्
गरडादीन् श्रीमुखांश्च विदिक्षु लोकपान्बहिः
सौम्ये कार्ये स्मरेत्सौम्यं क्रूरं क्रूरे स्मरेद्बुधः