करालो विकरालश्च दैत्यान्तो मधुसूदनः
सुघोरकश्च सुहनुर्विश्वको राक्षसांतकः
मेघवर्णः कुभघकर्णः कृतान्ततीव्रतेजसौ
विघ्नक्षमो महासेनः सिंहा द्वात्रिंशदीरिताः
एवं सिद्धे मनौ मन्त्री साधेयेदखिलेप्सितान्
विष्णुं ज्वलन्तं भृग्वीशो जलं पद्मासनं ततः
गदी सेंदुनृसिंहं च भीषणं भद्वमेव च
नृहरेर्द्वाविंशदर्णो ऽयं मन्त्रः साम्राज्यदायकः
देवता नृहरिश्चास्य सर्वेष्टुफलदायकः
वेदैश्चतुर्भिर्वसुभिः षड्भिः षड्भिर्युगाक्षरैः
मुखबाह्वङ्घ्रिसंध्यग्रेष्वथ कुक्षौ तथा हृदि
प्रणवान्तरितान् कृत्वा न्यसेत्साधकसत्तमः
कराङ्घ्षष्टाद्यङ्गुलीषु पृथगाद्यन्तपर्वणोः
शिरोललाटे भ्रुमध्ये नेत्रयोः कर्णयोस्तथा
कण्ठे घोणे च भुजयोर्द्दत्तनौ नाभिमण्डले
गुल्फे पादकराङ्गुल्योः सर्वसन्धिषु रोमसु
वर्णान्पदे गुल्फजानुकटिनाभिहृदि स्थले
कर्णयोर्वदने नासापुटे नेत्रे च मूर्द्धनि
आस्ये च हृदय नाभौ पादान्सर्वाङ्गकेन्यसेत्
उग्रादीनि पदानी ह मृत्युमृत्युं नमाम्यहम्
हृदि नाभौ च कट्यादिपादान्तं नवसु न्यसेत्
नृसिंहाद्यानि तान्येव पूर्ववद्विन्यसेत्सुधीः
विभक्ता पन्त्रवर्णांश्च क्रमात्स्थानेषु विन्यसेत्
हृदयाद्भ्रूयुगान्तं तु नेत्रत्रये च मस्तके
विन्यसेन्नामतो धीमान्हरिन्यासो ऽयमीरितः
एवं न्यासविधिं कृत्वा ध्यायेच्च नृहरिं हृदि
नखाग्रभिन्नदैत्येशो ज्वालामालासमन्वितः
नृसिंहो ऽस्मान्सदा पातुस्थलांबुगगनोपगः
जानुमध्यगतौ कृत्वा चिबुकोष्टौ समावुभौ
मुखं विजृंभितं कृत्वा लेलिहानां च जिह्विकाम्