दुर्गां श्यामां वायुकोणे सेनान्यं पीतमैश्वरे
एवमावरणैर्युक्तं योर्ऽचजयेद्विष्णुमव्ययम्
क्षेत्रधान्यसुवर्णानां प्पाप्तये धारणीं स्मरेत्
चिन्तयेद्भारतीं देवीं वीणापुस्तकधारिणीम्
क्षीराब्धिफेनपुञ्जाभे वसानां श्वेतवाससी
वेदवेदार्थतत्त्वज्ञो जायते सर्ववित्तमः
शश्त्रं संमन्त्र्य मन्त्रेण शब्रून्हत्वा निवर्तते
शतमष्टोत्तरं जण्त्वा वामहस्ताभिमन्त्रिताः
गारुडेन च संयोज्य पञ्चार्णेन जपेत्तदा
अशोकफलके तार्क्ष्यमालिख्याशोकसंहतौ
जुहुयात्तानि पुष्पाणि त्रिसंध्यं सप्तपत्रकम्
गाणपत्येन संयोज्य जपेल्लक्षं पयोव्रतः
वाणिबीजेन संयुक्तं षण्मासं योजयेन्नरः
हुत्वा गुङ्चीशकलान्यर्द्धागुलमितानि च
शनैश्वर दिने सम्यक् स्पृष्ट्वा श्वत्थं च पाणिना
पञ्चविंशतिधा जप्त्वा नित्यं प्रातः पिबेज्जलम्
कुंभं संस्थाप्य विधिवदापूर्य शुद्धवारिणा
चन्द्रसूर्योपरागे तु ह्युपोष्याष्टसहस्रकम्
मेधां कवित्वं वाक्सिद्धिं लभते नात्र संशयः
नारायणस्य मन्त्रो ऽयं सर्वमन्त्रोत्तमोत्तमः
नारायणाय शब्दान्ते विद्महे पदमीरयेत्
तन्नो विष्णुः प्रचोवर्णान्संवदेञ्चोदयादिति
तारो हृद्भगवान् ङेंतो वासुदेवाय कीर्तितः
स्त्रीशूद्राणां वितारो ऽयं सतारस्तु द्विजन्मनाम्
देवता वासुदेवस्तु बीजं शक्तिर्ध्रुवश्च हृत्
मूर्ध्नि भाले दृशोरास्ये गले दोर्हृदये पुनः
न्यासेत्क्रमान् मन्त्रवर्णान्सृष्टिन्यासो ऽयमीरितः
पादादारभ्य मूर्द्धानं न्यासं संहारकं विदुः
बीवं प्राणं तथा चित्तं हृत्पद्मं सूर्यमण्डलम्
संकर्षणं च प्रद्युम्नमनिरुद्धं ततः परम्