ध्यात्वैवं प्रजपेन्मन्त्री वसुलक्षं दशांशतः
प्रथमं पीठयजने धर्मादीनां स्थले यजेत्
परमादिमुखं मध्ये खबिंबान्तं प्रपूजयेत्
दीप्ता सूक्ष्मा जया भद्रा विभूतिर्विमला तथा
ह्रस्वत्रयोक्तिजाः क्लीबही ना वह्नीन्दुसंयुताः
ब्रह्मविष्णुशिवात्मा ते सृष्टिः शेषान्विताप्यसौ
ताराद्यो ऽयं पीठमन्त्रस्त्वनेनासनमादिशेत्
नवार्णाय च मनवे मूर्तिं संकल्पयेत्सुधीः
ततः षडङ्गामाराध्य द्विक्ष्वष्टाङ्गं प्रपूजयेत्
सूर्यं दिशासु सद्यादिपञ्च ह्रस्वादिकानिमान्
उषां प्रज्ञां प्रभां संध्यां ततो ब्रह्मादिकान्यजेत्
दिक्ष्वर्यमादिकानिष्ट्वा भूमिजं च शनैश्चरम्
इन्द्राद्यानपि वज्राद्यान्पूजयेत्पूर्ववत्सुधीः
समाहितो दिनेशाय दद्यादर्ध्यं दिने दिने
विधाय मण्डलं भानोः पीठं पूर्ववदर्चयेत्
पात्रं ताम्रमयं प्रस्थतोयग्राहि सुशोभनम्
विलोममातृकामूलमुञ्चरन्पूरयेज्जलैः
कुङ्कुमं रोजनां राजीं चन्दनं रक्तचन्दनम्
तिलवेणुयवांश्चैव निक्षिपेत्सलिले शुभे
गन्धपुष्पधूपदीपनैवेद्याद्यै र्विधानतः
सुधाबीजं चन्दनेन दक्षे करतले लिखेत्
अष्टोत्तरशतावृत्त्या पुनः संपूज्य भास्करम्
आमूर्ध्नि पात्रमुद्धृत्यांबरेण वरणे रवेः
साधकेन स्वकैक्येन मूलमन्त्रं धिया जपन्
दत्त्वा पुष्पाञ्जलिं भूयो जपेदष्टोत्तरं शतम्
तेन तुष्टो दिनेशो ऽस्मै दद्याद्वित्तं यशः सुखम्
अर्ध्यदानमिदं प्रोक्तमायुरारोग्यवर्द्धनम्
तेजोवीर्ययशःकीर्तिविद्याविभवभोगदम्
एवं मनुं जपन्विप्रो दुःखं नैवाप्नुयात्क्वचित्
वियद्वह्निमरुत्साद्यान्तार्वीसेंदुसमन्वितम्