एतेषां तु फलैः कुर्याद्देवतापूजनं बुधः
शुष्कैस्तु नार्चयेद्देवं पत्रैः पुष्पैः फलैरपि
छिन्नभिन्नान्यपि मुने न दूष्याणि जगुर्बुधाः
सर्वदा तुलसी शुद्धा बिल्वपत्राणि वै तथा
छात्रीदलैश्च दूर्वाभिर्नार्चयेज्जगदंबिकाम्
पुष्पपत्रादिकं विप्र यथोत्पन्नं तथार्पयेत्
आघ्रेयं देवदेवेश धूपं भक्त्या गृहाम मे
घृतवर्तिसमायुक्तं गृहाण मम सत्कृतम्
भक्त्या गृहाण मे देव नैवेद्यन्तुष्टिदंसदा
कर्पूरादिसुगन्धाढ्यं यद्दत्तं तद्गृहाण मे
दद्यात्पुष्पाञ्जलिं पश्चात्कुर्यादावरणार्चनम्
सैव प्राची तु विज्ञेया ततो ऽन्या विदिशो दश
नेत्रमग्रे दिक्षु चास्त्रं अङ्गमन्त्रैर्यथाक्रमम्
वराभयकरा ध्येयाः स्वस्वदिक्ष्वं गशक्तयः
सालङ्कारास्ततः पश्चात्सांगाः सपरिचारिकाः
संपूजितास्तर्पिताश्च वरदाः संत्विदं पठेत्
अभीष्टसिद्धिं मे देहि शरणागतवत्सल
इत्युञ्चार्य क्षिपेत्पुष्पाञ्जलिं देवस्य मस्तके
सायुधांस्तत इन्द्राद्यान्स्वस्वदिक्षु प्रपूजयेत्
ईशानो ऽथ विधिश्चैवमधस्तात्पन्न गाधिपः
वाजी वृषो हंसकूर्मौं वाहनानि विदुर्बुधाः
त्रिशूलं पद्मचक्रे च क्रमादिन्द्रादिहेतयः
शङ्खतोयं परिक्षिप्योद्वाहुर्नृत्यन् पतेत्क्षितौ
दक्षिणे स्थण्डिलं कृत्वा तत्र संस्कारमाचरेत्
कुशैस्तद्वर्मणाभ्युक्ष्य पूज्य तत्र न्यसेद्वसुम्
महाव्याहृतिभिर्यस्तु समस्ताभिश्चतुष्टयम्
सघृतैः साधकश्रेष्ठः पञ्चविंशतिसंख्यया
देवं संयोजयेन्मूर्तौं ततो वह्निं विसर्जयेत्
कर्मान्तरे ऽपि संप्राप्ते सान्निध्यं कुरु सादरम्
अवशिष्टेन हविषा गन्धपुष्पाक्षतान्वितम्