आगतो देवदेवेशः सुखागतमिदं पुनः
तस्मै मे परणाब्जाय पाद्यं शुद्धाय कल्प्यते
आचामं कल्पयामीश शुद्धानां शुद्धिहेतवे
तापत्रयविनिर्मुक्त्यै तवार्घ्यं कल्पयाम्यहम्
मधुपर्कमिदं देव कल्पयामि प्रसीद मे
शुद्धिमाप्नोति तस्मै ते पुनराचमनीयकम्
सर्वलोकेषु शुद्धात्मन्ददामि स्नेहमुत्तमम्
सहस्रं वा शतं वापि यथाशक्त्यादरेण च
गन्धपुष्पादिकैरीश मनुनां चाभिषिञ्चेत्
निरावरणविज्ञान वासस्ते कल्पयाम्यहम्
तस्मै ते परमेशाय कल्पयाम्युत्तरीयकम्
तैलादिदूषितं जीर्णं सच्छिद्रं मलिनं त्यजेत्
यज्ञसूत्राय तस्मै ते यज्ञसूत्रं प्रकल्पये
भूषणानि विचित्राणि कल्पयाम्यमरार्चित
गृहाण परम गन्ध कृपया परमेश्वर
जपाक्षतार्कधत्तूरान्विष्णौ नैवार्पयेत्क्वचित्
मालतीपुष्पक चैव नार्पयेत्तु महेश्वरे
शक्तौ दूर्वार्कमन्दारान् गणेशे तुलसीं त्यजेत्
विष्णुक्रान्ता नागवल्ली दूर्वापामार्गदाडिमौ
कदली बदरी धात्री तिन्तिणी बीजपूरकम्
एतेषां तु फलैः कुर्याद्देवतापूजनं बुधः
शुष्कैस्तु नार्चयेद्देवं पत्रैः पुष्पैः फलैरपि
छिन्नभिन्नान्यपि मुने न दूष्याणि जगुर्बुधाः
सर्वदा तुलसी शुद्धा बिल्वपत्राणि वै तथा
छात्रीदलैश्च दूर्वाभिर्नार्चयेज्जगदंबिकाम्
पुष्पपत्रादिकं विप्र यथोत्पन्नं तथार्पयेत्
आघ्रेयं देवदेवेश धूपं भक्त्या गृहाम मे
घृतवर्तिसमायुक्तं गृहाण मम सत्कृतम्
भक्त्या गृहाण मे देव नैवेद्यन्तुष्टिदंसदा
कर्पूरादिसुगन्धाढ्यं यद्दत्तं तद्गृहाण मे