कान्त्या युक्तो द्विदन्तस्तु कामिन्या गजवक्रकः
दीर्घजिह्वः पार्वतीयुग्ज्वालिन्या शङ्कुकर्णकः
गजेन्दः कामरूपिण्या शूर्पकर्णस्तथोमया
महानन्दश्च विघ्नेश्या चतुर्मूर्तिस्वरूपिणी
दुमुखो भूतिसंयुक्तः सुमुखो भौतिकीयुतः
द्विजिह्वो महिषीयुक्तो जभिन्या शूरनामकः
वरदो लज्जया वामदेवंशो दीर्घघोणया
सेनानी रात्रिसंयुक्तः कामान्धो ग्रामणीयुतः
मत्तवाहश्चञ्चलया जटी दीप्तिसमन्वितः
वरेण्यश्च शिवायुक्तो भगया वृषकेतनः
मेघनादः सुभगया व्यापी स्यात्कालरात्रियुक्
गणेशमातृकायास्तु गणो मुनिभिरीरितः
षड्दीर्घाढ्येन बीजेन कृत्वाङ्गानि ततः स्मरेत्
पत्न्याश्लिष्टं रक्ततनुं त्रिनेत्रं गणपे भवेत्
निवृत्तिश्च प्रतिष्ठा च विद्या शान्तिस्ततेधिकाः
सूक्ष्मासूक्ष्मामृता ज्ञानामृता चाप्यायिनी तथा
स्मृतिर्मेधा ततः कान्तिर्लक्ष्मीर्द्धृतिः स्थिरा स्थितिः
कामिको वरदा वाथ ह्लादिनी प्रीतिसंयुता
क्षुधा च क्रोधिनी पश्चाक्रियाकारी समृत्युका
उक्ता कलामातृकैवं तत्तद्भक्तः समाचरेत्
गायत्रीछन्द आख्यातं देवता शारदाभिधा
पद्मचक्रगुणैणांश्च दधतीं च त्रिलोचनाम्
ध्यात्वैवं तारपूर्वां तां न्यसेन्ङन्तकलान्विताम्
हृदयादिचतुर्थ्यन्ते जातीः संयोज्य विन्यसेत्
ततो ध्यात्वेष्टदेवं तं भूषायुधसमन्वितम्
न्यस्याङ्गषट्कं तन्मूर्तौं ततः पूजनमारभेत्
त्रिकोणं चतुरस्रं वा वामभागे प्रकल्प्य च
तत्राग्निमण्डलं चेद्वा पात्रं संक्षाल्य चास्रतः
क्लिममातृका पूलमुञ्चरन्पूरपेज्जलैः
गोमुद्रयामृतीकृत्य कवचेनावगुण्ठयेत्