विष्वक्सेन च शैलेयं वैष्णवः परितर्पयेत्
पूजागारं समागत्य प्रक्षाल्याङ्घ्री उपस्पृशेत्
पूजास्थलं समागत्य द्वारपूजां समाचरेत्
सरस्वतीं वामभागे दक्षे विघ्नेश्वरं पुनः
वामे च यमुनां दक्षे धातारं वामतस्तथा
द्वारपालांस्ततो ऽभ्यर्चेत्तत्तत्कल्पोदितान्सुधीः
भद्रः सुभद्रश्चेत्याद्या वैष्णवा द्वारपालकाः
वृषभश्च महाकालः शैवा वै द्वारपालकाः
सेंदुः स्वनामाघर्णाद्या ङेनमोंता इमे स्मृताः
दिव्यान्तरिक्षभौमांश्च विघ्नानुत्सार्य यत्नतः
केशवः कीर्तिसंयुक्तः कान्त्या नारायणस्तथा
विष्णुस्तु धृतिसंयुक्तः शान्तियुङ्मधुसूदनः
श्रीधरो मेधया युक्तो हृषीकिशश्च हर्षया
वासुदेवश्च लक्ष्मीयुक् संकर्षणसरस्वती
चक्री जयायुतः पश्चाद्गदी दुर्गासमन्वितः
शङ्खी चण्डासमायुक्तो हली वाणीसमायुतः
पाशी विरजया युक्तो कुशी विश्वासमन्वितः
निन्दी स्मृत्या समायुक्तो नरो वृद्ध्या समन्वितः
कृष्णो बुद्ध्या युतः सत्यो भुक्त्या मुक्त्याथ सात्वतः
भूधरः क्लेदिनीयुक्तो विश्वमूर्तिश्च क्लिन्नया
बली तु परया युक्तो बलानुजपरायणे
हंसः प्रभासमायुक्तो वराहो निशया युतः
केशवादिमातृकाया मुनिर्नारायणो मतः
चक्राद्यायुधसंयुक्तं कुंभादर्शधरं हरिम्
एवं ध्यात्वा न्यसेच्छक्तिं श्रीकामपुटिताक्षरम्
त्वगंसृङ्मांसमेदो ऽस्थिमज्जाशुक्राण्यसून्वदेत्
एक मौलौ मुखे चैक द्विक नेत्रे द्विकं श्रुतौ
एकं तु रसनामूले ग्रीवायामेकमेव च
टतवर्गौं पादयोस्तु पफौ कुङ्क्षिद्वये न्यसेत्
यादिसप्तापि धातुस्था हं प्राणे लं तथात्मनि