अस्रं चास्ति स मन्त्रस्तु तिरस्कृत उदीरितः
यस्य स्याद्भेदितो मन्त्रस्त्याज्यः क्लिष्टफलप्रदः
विद्या वाप्यथवा मन्त्रो भवेत्सप्तदशाक्षरः
यस्य मध्ये स्थितं चास्रं स मन्त्रो मूर्च्छितः स्मृतः
मन्त्रस्यादौ च मध्ये च मूर्ध्नि चास्रचतुष्टयम्
पुनर्विशतिवर्णो वा यो मन्त्रः स्मरसंयुतः
सप्तार्णो बालमन्त्रस्तु कुमारो वसुवर्णवान्
त्रिंशद्वर्णश्चतुःषष्टिवर्णश्चापि शताक्षरः
नवार्णस्तारसंयुक्तो मन्त्रो निस्त्रिंश उच्यते
शिखा वर्म च यस्यान्ते नेत्रमस्रं च दृश्यते
आद्यन्तमध्ये फट्कारः षोढा यस्मिन्प्रदृश्यते
कूट एकाक्षरो मन्त्रः स एवोक्तो निरंशकः
षड्वर्णो बीजहीनो वा सार्द्धसप्ताक्षरो ऽपि वा
सार्द्धबीजत्रययुतो मन्त्रो विंशतिवर्णवान्
यो मन्त्रो दन्तवर्णस्तु मोहितः स तु कीर्तितः
क्षुधार्तः स तु विज्ञेयो मन्त्रसिद्धिविवर्जितः
त्रयोर्विंशतिवर्णो वा स मनुर्दृप्तसंज्ञकः
एकोन त्रिंशदर्णो वा मन्त्रो हीनाङ्गकः स्मृतः
अतिक्रूरः स विज्ञेयो ऽखिलकर्मसु गर्हितः
व्रीडितः स तु विज्ञेयः सर्वकर्मसु न क्षमः
पञ्चषषअट्यर्णमारभ्य नवनन्दाक्षरावधि
त्रयोदशार्णा ये मन्त्रास्तिथ्यर्णाश्च तथा पुनः
शतं सार्द्धशतं वापि शतद्वयमथापि वा
ये मन्त्रा वर्णसंख्याका निःस्नेहास्ते प्रकीर्तिताः
अतिवृद्धाः प्रयोगेषु शिथिलास्ते समीरिताः
तद्वर्द्ध्वं चैव ये मन्त्राः स्तोत्ररूपास्तु ते स्मृताः
दोषानेतानविज्ञाय मन्त्रानेताञ्जपन्ति ये
छिन्नादिदोषदुष्टानां मन्त्राणां साधनं ब्रुवे
यं कञ्चिदपि वा मन्त्रं तस्य स्युः सर्वसिद्धयः
योनिमुद्राबन्ध एवं भवेदासनमुत्तमम्