शक्तिहीनः स विज्ञेयश्चिरकालफवप्रधः
असौ पराङ्मुखो ज्ञेयो भजतां चिरसिद्धिदः
स मन्त्रो बधिरः प्रोक्तः कष्टेनाल्पफलप्रदः
नेत्रहीनस्तु विज्ञेयः क्लेशेनापि न सिद्धिदः
हंसेंदुर्वा सकारो वा फकारो वर्म वा पुन
एवं मध्ये द्वयं मूर्घ्नि यस्मिन्नस्रलकारकौ
अग्निः पवनसंयुक्तो मनोर्यस्य तु मूर्द्धनि
अस्रं द्वाभ्यां त्रिभिः षड्भिरष्टाभिर्दृश्यते ऽक्षरेः
हकारः शक्तिरथवा भीतो मन्त्रः स एव हि
मलिनस्तु स विज्ञेयो ह्यतिक्लेशेन सिद्धिदः
अस्रं चास्ति स मन्त्रस्तु तिरस्कृत उदीरितः
यस्य स्याद्भेदितो मन्त्रस्त्याज्यः क्लिष्टफलप्रदः
विद्या वाप्यथवा मन्त्रो भवेत्सप्तदशाक्षरः
यस्य मध्ये स्थितं चास्रं स मन्त्रो मूर्च्छितः स्मृतः
मन्त्रस्यादौ च मध्ये च मूर्ध्नि चास्रचतुष्टयम्
पुनर्विशतिवर्णो वा यो मन्त्रः स्मरसंयुतः
सप्तार्णो बालमन्त्रस्तु कुमारो वसुवर्णवान्
त्रिंशद्वर्णश्चतुःषष्टिवर्णश्चापि शताक्षरः
नवार्णस्तारसंयुक्तो मन्त्रो निस्त्रिंश उच्यते
शिखा वर्म च यस्यान्ते नेत्रमस्रं च दृश्यते
आद्यन्तमध्ये फट्कारः षोढा यस्मिन्प्रदृश्यते
कूट एकाक्षरो मन्त्रः स एवोक्तो निरंशकः
षड्वर्णो बीजहीनो वा सार्द्धसप्ताक्षरो ऽपि वा
सार्द्धबीजत्रययुतो मन्त्रो विंशतिवर्णवान्
यो मन्त्रो दन्तवर्णस्तु मोहितः स तु कीर्तितः
क्षुधार्तः स तु विज्ञेयो मन्त्रसिद्धिविवर्जितः
त्रयोर्विंशतिवर्णो वा स मनुर्दृप्तसंज्ञकः
एकोन त्रिंशदर्णो वा मन्त्रो हीनाङ्गकः स्मृतः
अतिक्रूरः स विज्ञेयो ऽखिलकर्मसु गर्हितः
व्रीडितः स तु विज्ञेयः सर्वकर्मसु न क्षमः