नाभ्यादिषु नवाङ्गेषु पापैर्दुष्टं शुभैः शुभम्
मुहू रुदन्ति गायन्ति प्रस्विद्यन्ति हसंति च
अधोमुखाधितिष्टन्ति स्थानात्स्थानं व्रजन्ति च
गन्धर्वनगरं चैव दिवा नक्षत्रदर्शनम्
गान्धर्वं देहदिग्धूमं भूमिकंपं दिवा निशि
निशीन्द्रचापमण्डूकं शिखरे श्वेतवायसः
जन्तवो द्वित्रिशिरसो जायन्ते वापि योनिषु
जम्बूकग्रामसंवासः केतूनां च प्रदर्शनम्
अकाले पुष्पिता वृक्षा दृश्यन्ते फलिता यदि
एवमाद्या महोत्पाता बहवः स्थाननाशदा
मध्याद्भयं यशो मृत्युः क्षयः कीर्तिः सुखासुखम्
इत्यादिषु च सर्वेषूत्पातेषु द्विजसत्तम
इत्येतत्कथितं विप्र ज्यौतिषं ते समासतः
अतः परं प्रवक्ष्यामि च्छन्दः शास्त्रमनुत्तमम्
मात्रावर्णविभेदेन तच्चापि द्विविधं पुनः
कारणं छन्दसि प्रोक्ताश्छन्दःशास्त्रविशारदैः
मध्यलो रगणश्वैव प्रान्त्यगः सगणो मतः
त्रिलघुर्नगणः प्रोक्तस्त्रिका वर्णगणा मुने
संयोगश्च विसर्गश्चानुस्वारो लघुतः परः
पादश्चतुर्थभागः स्याद्विच्छेदोयतिरुच्यते
तुल्यलक्षणतः पादचतुष्के सममुच्यते
लक्ष्म भिन्नं यस्य पादचतुष्के विषमं हि तत्
षड्विंशत्यक्षरं यावत्पादस्तावत्पृथक् पृथक्
त्रिभिः षड्भिः पदैर्गाथाः शृणु संज्ञा यथोत्तरम्
गायत्र्युष्णिगनुष्टष्टप्च बृहती पङ्क्तिरेव च
शक्करी सातिपूर्वा च अष्ट्यत्यष्टी ततः स्मृते
विकृतिः संकृतिश्चैव तथातिकृतिरुत्कृतिः
पादे सर्वगुरौ पूर्वील्लघुं स्थाप्य गुरोरधः
एष प्रस्तार उदितो यावत्सर्वलघुर्भवेत्
उद्दिष्टे द्विगुणानाद्यादङ्गान्संमोल्य लस्थितान्